" إنت مش واصي علينا".. بسمة وهبة تفتح النار على إبراهيم عيسى

توك شو

 الإعلامية بسمة وهبة
الإعلامية بسمة وهبة
Advertisements

شنت الإعلامية بسمة وهبة، هجوما حادا ضد إبراهيم عيسى والمتحدثين في الشؤون الدينية والإفتاء دون تخصص، موضحةً: "بنلاقي الناس على تيك توك ومنصات تانية بيتكلموا عن الدين وبيفتوا، إنت بتكتشف حاجة بمخك إنت.. أنا ذنبي إيه وجيراني وأصحابي وأسرتي والمجتمع إنك إنت عاوز تخليه يفهم غلط زيك؟!".

وأضافت “وهبة”، خلال تقديمها برنامج "90 دقيقة"، المذاع على قناة “المحور”: "عاوز توصل لإيه؟! احتفظ بآرائك لنفسك وطبقها على نفسك، وخلي قناعاتك لنفسك، لكن أنا ذنبي إيه؟! انت مالك ومالي، أنت مش واصي عليّ ولا واصي على الدنيا ولا حد فوضك إنك تتكلم باسم ربنا واسم الدين، أنت من تكون؟!". 

وتابعت، أن الفتاوى الشاذة في الدين تأتي في إطار تشويه المجتمع المصري "وأعرض عن الجاهلين، وتوخوا الحذر، والله خاطبنا في كتابه الكريم بيا أصحاب العقول، أي أن الله منحنا الله العقل لكي نزن به الأمور، أرجوكم تمهلوا ومتسمعوش ومتمشوش في السكة دي، وأتمنى من كل واحد بيحب يفتي ويقول آراؤه في الدين إنه يخلي آراؤه لنفسه، مش عاوزين نعرف ومرجعيتنا الأزهر الشريف".