سميحة أيوب تشتكي من قلة الأدوار للفنانين كبار السن

توك شو

 الفنانة القديرة
الفنانة القديرة سميحة أيوب

اشتكت الفنانة القديرة سميحة أيوب، من قلة الأدوار والمساحات المخصصة للفنانين والفنانات كبار السن، موضحةً: "أدوارهم قليلة أوي، رغم إن دورهم في الحياة كبير جدا، وربنا أوصى الوالدين لأنهم يتحملون مشقة تربية الابن وإعداده للوطن".

وقالت إنّها تعتز بصداقتها مع الفنانة مديحة حمدي، موضحةً: "وقفنا مع بعض على المسرح، لكن وقوفنا مع بعض في الحياة أفضل وأكثر قيمة، وعلاقتنا كلها أحاسيس بالآخر وممكن نقسو على بعض بشكل عفوي".

وأضافت أيوب، في مداخلة هاتفية مع الإعلامية بسمة وهبة ببرنامج “90 دقيقة”، المذاع على قناة “المحور”: "مفيش حجاب بيننا وبين بعض، وأقول إن الصداقة إنك تصدقني ولما تقولي نقد ده معناه إنك بتحبني، وعشان بتحبني لازم تقولي الحلو والوحش". 

وتابعت: "علاقتي بها أبدية وعميقة، واتفرجت عليها دلوقتي في مشهد مسلسل حضرة المتهم أبي، وكان مشهد عبقري.. بتمثلي حلو أوي يا بت"، لترد عليها مديحة حمدي ممازحة إياها: "خديني أشتغل معاكِ".

وحول نجاح مسلسل نقل عام الذي شاركت فيه وعُرض مؤخرا، قائلة: "محمود حميدة عامل حتة دور عبقري ورائع، وكل الشباب الموجود جميل وذكي، والمخرج عامل جو رائع، عندنا مواهب جميلة جدا وعباقرة بمعنى الكلمة، تحسو في المسلسل بشريحة كبيرة من المجتمع عايشين في غُلب لكن سعداء وراضون، ومفيش حد بيندب حظه وبيقول يا لهوي، لكن فيه حالة رضا وده من عند ربنا".