ميمي جمال تكشف عن موقفًا صعبًا جمعها بالفنانة ماري منيب

الفجر الفني

ميمي جمال
ميمي جمال


كشفت الفنانة الكبيرة ميمي جمال، عن موقفًا صعبًا جمعها بالفنانة الكوميدية الراحلة ماري منيب.


 

وقالت ميمي جمال، خلال حوارها مع الإعلامية ياسمين عز مقدمة برنامج "كلام الناس" الذي يعرض على قناة MBC مصر: "ماري منيب كانت بتشتغل في مسرح نجيب الريحاني، واحتاجوا واحدة تجسد دور ابنتها، ورشحوني وكنت فرحانة، وحفظت دور بنتها كويس جدًا".

 

 

وأضافت: "أول ما شافتني قالت البنت دي مش عاجباني لازم تمشي، هتبوظ إيفيهاتي، لأني كنت بتحرك وباجي وأتكلم كتير، لكن هي مكنتش عاوزة كده، لأنها المفروض تقعد على الكنبة وأنا آجي جنبها وأتكلم معاها، لكن أنا معملتش كده، لكن رحت وجيت واتكلمت".


 

وتابعت: "بعد أول فاصل ندهتني وقالت لي حولتيني وجيبتي لي حول، كل ما أقول إيفيه تعدي جنبي وتضيعيه وواخداه في سكتي، قلت لها في البروفات محدش قالي كده، آسفة، وفعلا في الفصل التاني كنت قاعدة زي الطوبة مقمتش من جنبها إلا لما كانت بتقوم".