السيسي لـ المصريين: "أنا منكم ولو مش قادر والله لافتح الباب وأمشي"

شدد الرئيس عبدالفتاح السيسي، على أهمية اختيار مجالات العمل التي تناسب احتياجات سوق العمل، معلقا: "لو خرجت آلاف من آداب تاريخ ولا جغرافيا.. هو سوق العمل فيه الكلام ده، إنتم عايزين تعلموا ولادكم ولا تغسل ايديك وتقول لابنك أنا علمتك". 

وأشار "السيسي"، خلال فعالية اطلاق المشروع القومي لتنمية الأسرة المصرية، اليوم الإثنين، "مع كل تقديري للتخصص بس العدد اللي بيتخرج مالهوش مكان"، مشددا على أن القضية المصرية قضية مشتركة وليست قضية سلطة أو نظام أو مسئولين، مضيفا: "مفيش نظام في مصر في دولة مع بعضها.. أنا زيكم".

وأضاف مخاطبا المصريين، "أنا معاكم وانا منك، ولو مش قادر والله والله لافتح الباب وأديكم التحية وامشي، يا نعملها مظبوط كلنا.. دي أمانة في رقبتنا أمام ربنا.. يا عم الشيخ اللي بتتكلم، يا اخونا اللي بتتكلم في الكنيسة من فضلك القضية كبيرة أوي"، لافتا إن اول طالب سيكون حصل على تعليم جيد سيكون بعد 16 سنة.