زوجة رامي صبري تكشف علاقة مي كساب بقصة تعارفها بزوجها
حل الفنان رامي صبري ضيفًا على برنامج "معكم منى الشاذلي" الذي تقدمة الإعلامية منى الشاذلي على قناة cbc.
وكشفت شيرين عادل زوجة رامي صبري عن بداية تعارفهما قائلة: "جوازنا مكنش تقليدى وبداية تعارفنا كنت مع صاحبتي وحبيبتي مى كساب، وكنا خارجين وقالت لى نروح نقعد في كافيه شوية، وبعدين قالت لي ايه ده رامي صبري اهو".
وأضافت: "كانت مقابلة صدفة وهى وقفت سلمت عليه لأنهم أصحاب جدا، وانا واقفة بعيد شوية لانى معرفهوش بشكل شخصى، وراح جايلى وقالى ممكن اعرف اسمك ايه وقلت له شيرين وقالى الاسم ده انا بحبه جدا، ومن هنا كانت البداية".
وأهدى صبري، لزوجته 3 أغنيات خلال الحلقة وهي "تعالى"، "عجبتنى"، "أسيبك يومين".
ومن جانب أخر حرص رامي صبري، علي توجيه عدة رسائل، مضيفا "على المستوى الشخصى كنت أتمنى كريم اخويا ميكنش في حتة تانية ويتوفى، وكان نفسى يكون معايا وربنا يصبر أمى ووالدي واخواتي ولكن هى الدنيا فيها حاجات حلوة وحاجات مش حلوة وربنا اللى عاوزه هو اللى هيكون".
وأضاف "وعاوز أوجه رسالة للشباب الصغير اللى لسه معندهوش خبرة كتير لازم يركز في حياته وصحته وشغله ويوصل لهدفه وأي صديق سوء لازم يبعد عنه، وبشكر كل جمهورى اللى علطول بيتابعني وبشكر مراتى لأنها ست جدعة جدا وزوجة أصيلة وبتخلي بالها من زوجها وبيتها وأولادها وانا بحبها جدا".
