بعد 38 عامًا.. شاهد أول ظهور لـ طفلة مسلسل "هند والدكتور نعمان"
بعد 38 عامًا من نجاح المسلسل، كشفت ليزا، أو "هند" طفلة مسلسل "هند والدكتور نعمان، سر ابتعادها عن الأضواء.
وقالت ليزا، خلال مداخلتها التليفزيونية عبر تطبيق "زووم"، مع الإعلامي رامي رضوان في برنامج "مساء dmc"، المذاع عبر فضائية "dmc" عن سر غيابها عن الساحة الفنية بعد نجاح دورها في مسلسل "هند والدكتور نعمان" إنها تركت مصر في سبتمبر عام 1989، لتهاجر إلى الولايات المتحدة الأمريكية، وتعيش هناك منذ ذلك الوقت.
وأضافت: "أنا جيت أمريكا وأنا عندي 12 سنة، وروحت مدرسة على طول واتجوزت بدري بدري وخلفت على طول، ومن ساعتها وأنا عايشة في كاليفورنيا ومنزلتش مصر ولا مرة، وهي وحشاني كتير وواحشني ناسها، والطعمية والبحر الأحمر والفول والبط وكل حاجة فيها".
وتابعت: "«أنا بسمع أن المسلسل اتعرض تاني ومش مصدقة نفسي، إن الناس لسة فاكراه لغاية دلوقتي وبتحب تشوفه، أنا مبتفرجش على التلفزيون كتير وأنتوا بتتفرجوا عليه وبتحكوا لي".
ووجهت رسالة شكر إلى المشاهدين، قائلة: "أنا اللي مبسوطة إني كلمتكم ومبسوطة إن الناس لسه فاكراني".
واختتمت ليزا: "قولت لما أخلص كلية، هارجع مصر تاني ولما خلصت كنت حامل بالأولاد ومامتي ماتت وأنا صغيرة، ولما أولادي جم ونسيت حياتي ومفكرتش في نفسي تاني وفكرت فيهم بس".
وتركت ليزا، مصر في عمر 12 عامًا، إذ تزوجت في عام 1997 في سن مبكرة، وأنجبت توأم "جوزيف وجنا".
