الفنانة رجاء حسين عن تكريمها أمس: "أنا منمتش من إمبارح من الفرحة"
علقت الفنانة رجاء حسين، على تكريمها من السيدة انتصار السيسي، في يوم المرأة العالمي، قائلة: "تكريمي تشريف غير طبيعي، أنا عايزة حد ييجي عندي يشوف التكريمات، كل التكريمات عندي كوم وده كوم".
وتابعت "حسين"، خلال مداخلة تليفونية مع برنامج "مساء دي إم سي"، المذاع على فضائية "دي إم سي": "السيدة انتصار السيسي ست محترمة جدًا وقالتلي إنها بتحبني وأنا قولتلها بحبها، ست مثقفة وصادقة وبسيطة ولديها ابتسامة.. انتصار السيسي ست عظيمة وتدخل القلب، وواقفة زي الرئيس السيسي مع المرأة ولكن لا تعلن عن نفسها".
وأضافت: "اللي إحنا فيه ده عظمة.. أنا عندي 85 سنة ومكنتش متوقعة إني أتكرم دلوقتي، أنا منمتش من إمبارح من الفرحة أنا ست كبيرة لكن عيلة، والتكريم بالنسبالي زي فستان العيد".
