ميدو ينفجر غضبًا على حكام مباريات الناشئين: اللي مش قادر يحترم مهنته يستقيل
فجر أحمد حسام ميدو لاعب نادي الزمالك ومنتخب مصر السابق مفاجأة من العيار الثقيل خلال الساعات القليلة الماضية تمثلت في وجود فضيحة جديدة في مباريات قطاع الناشئين.
وهاجم ميدو الذين يتأخرون عن الحضور لإدارة المباريات حيث تكررت تلك الأزمة خلال الأيام السابقة وفي أكثر من مناسبة.
وقال ميدو في تصريحاته عبر برنامج الريمونتادا على قناة المحور: "لن نجد مباراة في مصر محترمة، طول ما في تجاهل لقطاع الناشئين، احترموا أولياء الأمور، اللي بيحضروا الماتشات بدري، ورغم كدة بتتأخر"
وأضاف: "في مباراة زد ومركز شباب الشيخ زايد، أولياء الأمور مستنيين الحكام أكتر من ساعة، واللي بيحصل مفيهوش عدم احترام لأولياء الأمور"
وختم حديثه قائلا: "الحكم اللي مش قادر يحترم مهنته يستقل، واكتشفت ان كان في ماتش حياة أو موت بين فريقين من الدرجة الثالثة، ونادي بلقاس كان عنده مباراة مع منية النصر، ولو كسبوا يصعدوا، وبيسألوا الحكام فين مفيش حكام، والمنطقة قالتلهم ان الحكام متبلغتش بإن في ماتش، تخيلوا ده يحصل في ماتش صعود"
