عمر كمال عن حمو بيكا:" على طول بيقل مني"

تحدث مطربي المهرجانات عمر كمال عن علاقته بالفنان حمو بيكا حاليًا، مُوضحًا: "أنا ماشي بمبدأ صباح الخير يا جاري إنت في حالك وانا في حالي، خناقتي مع حمو بيكا نهائية كفاية بقى بهدلة".

وتابع عمر كمال خلال مداخله هاتفية له في برنامج "الحكاية"، الذي يقدمه الإعلامي عمرو أديب، ومن المقرر عرضة على شاشة "mbc مصر"، "حمو بيكا على طول بيقل مني وبيطلع يعمل حاجات عني مش لذيذة، والنبي بيقول إن المسلم مش بيلدغ مرتين من جحر".

ومن جانب آخر تحدث عن كواليس أوبريت "ست عظيمة" بمناسبة عيد الأم، مضيفا عمر كمال "حبيت أشارك في المناسبة دي وأعمل حاجة حلوة ومحترمة، والأغنية فكرة أخ كبير ومعايا شيماء أختي أصغر مني ومعايا محمد أسامة كان له تجربة قبل كدة وهي الغزالة رايقة اللي نجحت جدًا".

ولفت إلى أن الأغنية من كلمات وألحان عمرو قطب، وتوزيع عمرو خضري، ومن إنتاجه، متابعا: "كل واحد فينا بيكلم عن أمنا والتجربة معاها، والحمد لله الأغنية تريند رقم واحد على يوتيوب وجايبة 2 مليون مشاهدة في أول يوم".