عمرو أديب عن قرارات الحكومة: "لازم نعدي الغضب ونتعامل.. إحنا في حرب"

عقب الإعلامي عمرو أديب، على قرارات البنك المركزي اليوم، قائلا: "مقدرش أقول إن اللي حصل عظيم.. إحنا بنتكلم عن أزمة والدولة بتحاول تحلها، كل الناس بمختلف طبقاتهم قلقانة.. مقدرش أقولك أن كل حاجة حلوة".

وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء الإثنين، إلى أن الحكومة تشعر بالقلق، مضيفا: "الحكومة مش المسئولة عن الأزمة.. في حد لعب في الدنيا"، لافتا إلى أن السكة قد تطول أو قد تقصر، متابعا: "مش عايز أطبلك".

ووجه نصيحة للمصريين: "متشتريش حاجة غالية، ومتجبش غير اللي إنت محتاجه"، متسائلا: "هل آن الآوان أن يغير المواطن طريقة تعامله مع النقود؟"، مضيفا: "أنا عارف أن الناس غضبانة، مفيش حد بيحب الغلاء.. ولكن لازم نعدي مرحلة الصدمة والغضب ونتعامل، إحنا في حرب".