مؤسس "ائتلاف أولياء الأمور" ترصد ملاحظاتهم علي أول اختبار تدريبي لأولى ثانوي

رصدت عبير أحمد، مؤسس ائتلاف أولياء أمور المدارس الخاصة، وإتحاد أمهات مصر للنهوض بالتعليم، بعض ملاحظات أولياء أمور الصف الأول الثانوي علي تجربة أول اختبار تدريبي لأبناءهم علي جهاز التابلت.

وقالت عبير، في تصريحات صحفية، إن الهدف من رصد ملاحظات أولياء الأمور هو توصيل أصوات أولياء الأمور من ناحية، ومن ناحية أخري وضع هذه الملاحظات أمام مسئولي التعليم لتقييمها ومراجعتها والتأكد من مدي صحتها وتلاشي أي أخطاء.

وتفاعل أولياء الأمور علي صفحة إتحاد أمهات مصر، وائتلاف أولياء أمور المدارس الخاصة، في الفيسبوك، حيث قالت ولي أمر: "أولا تجربة سيئه بالنسبة للمواد العلمية فى الأسئلة اللى مش مسموح يكتب بالقلم فيها مش عارف يكتب خطوات المسأله فكتب الإجابة النهائية وخلاص، وبعدين فيه مشكلة عدم قدرة الطلاب فتح كتاب المدرسة الإلكتروني أثناء الامتحان المفروض إن الامتحان اوبن بوك وعاوزين حل للموضوع ده".

وأضافت ولي أمر: "السيسم مفتحش امبارح مع بعض الطلاب، الكتابة على التابلت مش سهله إن الأولاد تطلع أفكارهم وخطواتهم زي الكتابة على الورق، التابلت وسيله للتعلم والدخول على المواقع التعليمية وليس وسيلة للامتحان، كمان لازم الوزير يوضح هل الامتحان openbook ولا لا علشان الدنيا تكون واضحة للطلبة، أرجوا توصيل صوتنا".

وذكرت ولي أمر: "التجربة سيئه جدا، الأولاد معرفتش تمتحن بسبب عدم معرفة الكتابة بالقلم وعدم معرفة فتح الكتاب، وبعض المدراس التانية الموقع مشتغلش مع الطلاب أصلا الرجاء وضع حد لهذه الأزمة".