السيسي للمصريين: "معندناش مشكلة في السلع" (فيديو)

توك شو

الرئيس السيسي
الرئيس السيسي

ناشد الرئيس عبد الفتاح السيسي، المصريين بترشيد الاستهلاك خلال شهر رمضان، قائلًا: "إننا مقبلين على شهر رمضان، وانتوا حرين اعملوا اللي انتو عايزينه، أنا هقولكم حاجة والفريق محمد زكي يشهد عليا، أيام ما كنت وزير دفاع، وإحنا بنعمل حفلات قولت لهم لو سمحتوا حطوا طبق واحد، والطبق ده يبقى في فراخ أو مش عارف الكلام مناسب ولا لا، كفاية إننا نشوف بعض".

وأضاف "السيسي"، خلال كلمته على هامش احتفالية تكريم المرأة المصرية والأم المثالية بحضور قرينته السيدة انتصار السيسي، والمذاعة عبر فضائية "إكسترا نيوز"، اليوم الأربعاء، أن البلاد لا تصنع بالأماني ولا تتقدم بالأحلام والكلام، وإنما بالجهد والمثابرة والوعي، معقبًا: "نقول الكلام ده دلوقتي وأقول لحد يعزمني عنده في البيت ألاقيه مالي السفرة، لا نعتبرها موضة، إحنا معندناش مشكلة في السلع والله، خدوا اللي انتوا عايزينوا انزلوا عبوا من السوق.

وتابع الرئيس السيسي، أن القوات المسلحة طرحت 2 مليون كرتونة، ومن الممكن طرح 2-20 مليون كرتونة إحنا عاملين حسابنا لكل حاجة، مداعبًا وزير الدفاع: "مش بنص تمنها بلاش نكسب يعني"، مردفًا حال أردتم مستقبل أفضل لأبنائنا وأحفادنا لا بد من مراجعة هذه الثقافة، معقبًا ضاحكًا: "حد يطلع على مواقع التواصل بقى يقولوا السيسي بيقول متاكلوش لالا اعملوا اللي انتوا عايزينوا والله أنا صادق معاكم وامين، وأنا في البيت بقولهم كدة، أنا مش رئيس والله أنا ما رئيس، يقولك أكيد سفرة الرئيس مختلفة بياكل من الجنة يعني، أنا بسأل عن الأسعار وأقولهم جيبوا ده ومتجابوش ده، أنا مسئول أمام الله مش  مهم الوفرة اللي في جيبي المهم الانفاق المناسب".