عمرو أديب يكشف ما سيفعله إذا جاء رئيسا لمصر

قال الإعلامي عمرو أديب، إنه لو جاء يوما وأصبح رئيسا لمصر، لن يفعل مثلما فعل الرئيس عبدالفتاح السيسي، معلقا: "أنا هظبطكم تموين وعلاوات.. ولا هعمل مستشفيات ولا طرق ولا مشروعات، هريحكم وأبسطكم واللي يجي بعدي يعمل".

وأشار "أديب"، خلال برنامج "الحكاية" المذاع عبر فضائية "إم بي سي مصر 2"، مساء الجمعة، "هريح دماغي، وكل ما يكون في دوشة هعمل علاوة دورية 10%، ولا هطور تعليم ولا حاجة، والمستشفيات تفضل زي ما هي، ومش لازم أعمل جامعات جديدة.. ريح الشعب".

وأضاف: "أنا عمرو أديب كرئيس جمهورية لو عملت كده.. مش هبني دولة، الكلام ده ميبنيش دولة"، متابعا: "البلد بتعاني بقالها 70 سنة.. آن الآوان أن يحدث تحول، إحنا بنتكلم على 7 سنوات، اشمعنا اخدنا 30 سنة ومكنش في لا مدن جديدة، ولا تبطين ترع، ولا طرق".

وتابع الإعلامي عمرو أديب: "نفسي أشوفكم زي دول العالم.. الدولة اللي بتجلها أزمة مش بتلطم، ولا بتندب.. بيواجهوا".