لميس الحديدي تشن هجومًا ناريًا على عمرو واكد بعد إهانته للمرأة المصرية

علقت الإعلامية لميس الحديدي،  على تغريدة الفنان  عمرو واكد التي أهانت المرأة المصرية، قائلة: "ده مش مجرد تطاول عادي زي أي تطاول لا يستحق  الرد عليه،  لكن الصراحة التغريدة أشعرتني بالإهانة كامرأة مصرية،  واللي كتبه عمرو واكد رغم اعتذاره إلا أنه أحقر ما يكون". 

وتابعت "الحديدي"، خلال تقديمه برنامج "كلمة أخيرة"، المذاع على فضائية "on"، مساء الإثنين،: “من الواضح يا عمرو أنك فقدت كل أدواتك الموضوعية كمعارض، لأن أي معارض عنده منطق يقدر يحطه على المائدة، ويكون مؤثر لكن إنت فقدت كل أدواتك عشانك لجأت لأحقر وأسوأ الأدوات  وهي التطاول واتهام النساء في أعراضهن”.

 وأضافت: "واضح إنك نسيت المصريات، غربتك نستك مين المرأة المصرية، إنت مين  معلش  عشان تشتم الست والأم والبنت المصرية،  الست المصرية هي ست الستات هي الست إلى بتشقى على ولادها عشان يبقى ولادهم رجالة".