تامر حسني: بقينا في زمن الهلس ليه جمهور

الفجر الفني

تامر حسني
تامر حسني

علق الفنان تامر حسني على ما نشره أمس لمتابعيه عبر حسابه الشخصي على موقع تبادل الصور والفيديوهات "إنستجرام".

كتب تامر حسني: "بخصوص بوست العلماء اللي نشرته امبارح، انا والله والله طاير من الفرحه بسبب حسن استقبالكم له،  علشان كذا حد قالي ماكتبش الكلام دا عشان المفروض اني اتكلم معاكم عن شغلي الفني بس وانا شايف ان شغلي معاكم مش فني بس بل مؤخرًا بقيت احس إنه انساني اولًا والفني ثانيًا.

وأضاف:" واتأكدت من كدا بعد قرائتي لتعليقاتكم اللي تشرح القلب وعرفتني اني صح وان رغم صعوبة زمنا اللي الهلس فيه بقى ليه جمهوره ومريدينه إنما الكلمه الصادقه،و المؤثره مازالت لها جمهورها وموريدينها.

تابع:" حتى لو فيهم ناس هما هما  اللي بيهتموا بالجانبين عادي الإنسان مننا جواه الإتجاهين بشكل نسبي المهم هو هينمي مين فيهم ويهتم بيه اكتر زي البذره الجميلة اللي بكرا هتكبر وتبقى شجره مثمره له ولكل من حوله.

وختم قائلا:" هعمل معاكم فكره جميله اي حد فيكم قراء كتاب وحب أهدافه أو سمع معلومة أو مقوله عجبته ياريت يكتبها هنا ونعتبر اننا عندنا كل فتره قاعده نفكر فيها ونستفيد كلنا من بعض جايز كلنا لما نتجمع على منفعة الناس ربنا يعزنا اكتر وينور طريقنا اكتر يعني زي ماطلبتوا مني انكم تتعرفوا على حاجه جوايا شخصيه زي بقرأ لمين أو بتابع مين انا كمان أحب اعرف في نقط صغيره ما تعلمتوه من اي كتاب أو قصه أو موقف شخصي أو مقوله مفضله  انا عن نفس احب ان انشر هذا المعني وأتمنى أن يوصل للدنيا كلها، خير الناس أنفعهم للناس ".