أديب عن مياه البكابورت المباركة: "هى وصلت لكده" (فيديو)

عقب الإعلامي عمرو أديب، على ما تردد بشأن اقتناع أهل قرية بالبحيرة بأن هناك "بكابورت" مياهه بركة وتعالج الأمراض، قائلا: "مش عارف أقول إيه.. أفهم أن يكون في عين مياه أو ينبوع مياه والناس تقولك ده بركة، وده بردو غلط.. بس إزاي بكابورت".

وأضاف "أديب"، خلال برنامج "الحكاية" المذاع عبر فضائية "إم بي سي مصر"، مساء الجمعة، "يعني الناس تروح البلاعة وتاخد منها ماية وتغسل بيها راسها.. هى وصلت لكده، هى الناس دي مش متعلمين، ده في ناس فاتحة البلاعة وحاطة فيها دماغها، هى الناس جرالها ايه".

وتابع، "أكيد في حد مستفيد من الموضوع ده.. أنا عجزت على اللي بيحصل ده، حاجة صعبة"، لافتا إلى أنه كان هناك اعتقاد أن التعليم له علاقة بالوعي، ولكن إتضح أنه ليس شرطا أن يكون المتعلم لديه وعي.