ميدو يشيد بكهربا: " أفضل من كل أجنحة الأهلي 10 مرات"

أشاد الإعلامي أحمد حسام ميدو، بمحمود عبد المنعم كهربا، لاعب الفريق الأول لكرة القدم بالنادي الأهلي، العائد مؤخرًا من الإعارة إلى صفوف القلعة الحمراء.

وأوضح ميدو في تصريحات تليفزيونية عبر برنامج الريمونتادا على قناة المحور: "لو تقارن كهربا باللاعيبة اللي في مركزه بالأهلي، هتكتشف إن كهربا قد اللاعيبة اللي موجودة في الأهلي بمركزه 10 مرات".

وتابع: "بعيدا عن اعتراضي على طريقة رحيل كهربا من الزمالك، لكن كهربا كلاعيب كورة، عودته مكسب للأهلي ولكن لازم يدفع الغرامة اللي عليه الأول للزمالك".

وأتم: "كهربا عامل زي الحصان اللي بيجري لازم تسيطر عليه صح، لو عرفت تسيطر عليه هيتألق معاك ولازم تتعامل معاه نفسيا بشكل كويس، ومحدش يقولي يقسط الفلوس للزمالك، التقسيط مرفوض وده حق الزمالك".