محمد الشقنقيري يعتذر لزوجته بعد المشاكل الأخيرة ويوجه لها رسالة مؤثرة!
اعتذر الفنان محمد الشقنقيري، لزوجته بعد المشاكل الأخيرة واعتذر عن أي تصرف صدر منه أثناء غيابها وقدم لها رسالة مؤثرة.
وكتب الشنقيري، عبر حسابه علي مواقع التواصل الاجتماعي "فيسبوك": "بحبك …. وأسف من كل قلبي.. أسف قدام الدنيا كلها.. أسف علي اي تصرف ممكن يكون جرحك اثناء غيابك.. أسف علي دخولي في تفاهات خلال انفصالنا .. كان لازم اعمل لغيبتك الف حساب وكان لازم اقدر الامور احسن من كده.. حتي في طلاقنا اقحمتك في معاركي الخاصة وبرضة كنتي سندي الوحيد زي ما طول عمرك سند وضهر".
وأضاف قائلا: "اسف عمري كله إلى جاي،، بس إلى بينا اكبر بكتير من كل ده.. احنا بينا مش عشرة سنه ولا اتنين احنا بينا عشرة ٢٥ سنة، بينا بيت و حياة وولاد وعشرة عمر .. انت حب العمر كله، انت الحب الوحيد في حياتي.. انا وعدتك واحنا بنرجع اني عمري ما هاجرحك في يوم من الايام و للاسف مافيش كام شهر ودخلتك في دوامة ملكيش ذنب فيها وفي وقت حتي مكنتوش موجودة في بس برضة كان لازم اخد بالي كويس انا بعمل ايه وبتعامل مع مين وازاي !!!! وبرضة انت الوحيدة إلى واقفة معايا مش عارف اقولك ايه ولا اعتذرلك ازاي !!! بس انا حقيقي اسف وحقيقي عمري ما حبيت ولا هاحب ست غيرك بحبك".
وتفاعل عدد كبير من رواد ‘فيسبوك’ على هذا المنشور واعتبروا رد فعل عملي على إيذاء إدعاءات مغرضة هدفها النيل من سمعته وذلك بعد ادعاءات الموديل رحيل ذكري.
