شريف مدكور: إحنا مش متدينين خالص.. وده مش دليل على إنكم  تعرفوا ربنا

عبر الإعلامي شريف مدكور، عن غضبة الشديد من الأشخاص الذين،وصفهم بأنه يدعون التدين، أو المتدينين بشكل ظاهري فقط، وذلك من خلال فيديو نشره عبر صفحتة الشخصية بـ موقع الصور والفيديوهات "انستجرام".

ونشر “مدكور”، مقطع فيديو عبر صفحته الشخصية وقال "التدين الظاهري اللي باللبس أو على السوشيال ميديا، ده مش دليل على إنكم  تعرفوا ربنا أو بتفهموا في الدين، كل الديانات السماوية تحث على التسامح والرقي والأخلاق".

وتابع "يا جدعان أصل إحنا شعب متدين، يا جدعان سيبوا الناس والشعوب الأخرى تقول كده، إحنا مينفعش نقول على نفسنا كده، أنا مينفعش أقول على نفسي مذيع شاطر، أسيب الناس هي اللي تقول، في ناس بتقول على شاطر وناس بتقول خايب وناس تقول فرفور، كل واحد بيقول حاجة، مينفعش نقول على نفسنا شعب متدين".

واختتم حديثه قائلا: "إحنا مش متدينين خالص، أحنا لو شعب متدين بجد، يوم الجمعة هتلاقوا الشوارع مقفولة كل الناس بتصلي في الجامع، بس الناس مش بتصلي في الجامع وإحنا مش شعب متدين للأسف خالص".