السيسي لأصحاب الشركات التكنولوجية: "أنا جاهز أعمللكم كل اللي عاوزينه" (فيديو)

وجه الرئيس عبد الفتاح السيسي، خلال كلمته على هامش فاعليات الجلسة الحوارية للشباب المشاركين في المبادرات والمستفيدين من منح وزارة الاتصالات، اليوم الأربعاء، الشكر للدكتور محمد محسن، الشريك المؤسس لإحدى الشركات الرائدة في مجال تصميم الدوائر الإلكترونية، متسائلًا عما يحتاجه من الدولة لتطوير هذه الصناعة داخل مصر، معقبًا: "لو عايزين نخلي الـ 30 شركة العاملة بمجال التكنولوجية أكثر من كده إيه اللي تطلبه أو تامرنا بيه وإحنا نعمله".

ورد "محسن"، قائلًا: "التدريب والتعليم ليس لهم بديل، المهندس هو البنية الأساسية لهذه الصناعة وهناك كثير من المعوقات تتعلق بالاستثمارات في برامج التدريب، والأهم الخبرة التي تعتبر أساس الصناعة، إحنا لم بنحتك مع عملاءنا في فرنسا وأوروبا وامريكا نجد شبابنا يجلس أمام أناس لديهم 30-40 عام خبرة، وبدأنا تدريب شباب من الجامعة بالإضافة لكثير من المساعدات الاستثمارية في هذه المشروعات التي بحاجة لزقة من الدولة".

وعقب الرئيس السيسي، قائلًا: "أنا معرفتش أمسك منك حاجة غير التعليم والتدريب وتحدثنا عنهم، هديك فرصة تفكر أنت وزمايلك، وتقدم ورقة إحنا محتاجين نعمل إيه ونساعدكم إزاي؛ لأننا كدولة نحتاج هذا القطاع أن يكون رائد جدا في مصر ويكون قاطرة، ولكننا لا نمتلك الوقت الكبير بتاع الـ30 و40 سنة، عايز أعمل ده  في أقل مدة زمنية ممكنة، وأن أضغط بالجهد والاستثمار وبقسوة على نفسنا عشان نقدر نحقق ده، الـ30 شركة مستعد أعمل لكم كل اللي عاوزينه"، ليرد "محسن": "إحنا عندنا احلام كبيرة"، فأجابه الرئيس: "وأنا جاهز".