بهذه الكلمات.. عمر طاهر يمدح محمد فؤاد

نشر المؤلف عمر طاهر، تعليقا عبر صفحته الرسمية على موقع التواصل الاجتماعى " فيسبوك"، يتحدث فيه عن تجربة محمد فؤاد فى عالم الغناء بعد وصوله إلى سن 60.

حيث قال عمر طاهر: " بمناسبة وصول محمد فؤاد لسن ٦٠ أعتقد دي مناسبة لزملائنا نقاد المزيكا الشاطرين إنهم ينصفوا تجربة فؤاد وهي فعلا متعبية كلام وأفكار". 

واستطرد: " سيب آخر كام عمل وهاته من الأول هتلاقيه في منطقته كان مغامر ومجدد وجريء أكتر من منافسه الأشهر".

وجوه قدمها محمد فؤاد في مشواره الفني

وأضاف عمر طاهر: " هو أول اللي اشتغلوا مع عصام عبدالله، وياسر عبد الرحمن، وفهد ومدحت الخولي، وأحمد منيب، ومودي الإمام، هو اللي قدم وليد سعد محمد رحيم مصطفى عوض عزيز الشافعي تامر عاشور". 

محمد فؤاد وحميد الشاعري

وتابع: " الوحيد في جيله اللي كانت انطلاقة نجاحه من غير حميد الشاعري اشتغل معاه بعدين ".

وأضاف عمر طاهر:  " الوحيد في جيله اللي  خاض تجربة جريئة ألبوم كامل مع احمد الحجار. إزاي صوته وهو بيقول يا ليل بقى فاصل إذاعة الأغاني المصرية هو ومحدش غيره من جيله. مواضيع أغانيه موقفتش في حتة واحدة.. فيلمين مع مخرج كبير زي خيري بشارة وفيلم غير خريطة السينما مع هنيدي.. طلع من الفلكلور غنا وقدم تترات بقت تفصيلة في اسماع الناس.. طبيعة نظرة الناس ليه وشكل الحتة اللي سكنوه فيها". 

وأكد: "تجربة مليانة كلام وكتابة وحاجات يتقدر تعبه فيها وحاجات فكت منه طبعا زي أي حد، بس إجمالا تجربة تستحق التقدير وتستحق إنه ا تتحط في مكانها بالضبط وإن حد ينتشلها من منطقة اللطافة والقلش وكام عمل مش قد كدة ما يلغوش اللي الراجل أنجزه بالفعل.. كل سنة وانت طيب يا فؤش". 

بدايات عمر طاهر 

جدير بالذكر أن الكاتب عمر طاهر من مواليد سوهاج ١٩٧٥، حاصل على بكالوريوس التجارة وإدارة الأعمال من جامعة حلوان ١٩٩٨، وله العديد من الإصدارات والملفات فى مجالي الأدب والسينما منها: بعدما يناموا العيال، كحل وحبهان، من علم جمال عبدالناصر، شرب السجائر، كتاب المواصلات، إذاعة الأغانى: سيرة شخصية للغناء؛ صنايعية مصر "جزءان".