"مش كل واحد نختلف معاه نوديه النيابة!".. مشادة بين لميس الحديدي وعضو بـ"الأطباء" بسبب ميدو

وقعت مشادة كلامية بين الإعلامية لميس الحديدي، وعضو نقابة الأطباء، الدكتور خالد أمين عضو لجنة آداب المهنة بالنقابة على خلفية أزمة أحمد حسام ميدو، نجم نادي الزمالك الأسبق، وذلك خلال برنامجها "كلمة أخيرة" الذي يعرض على شاشة ON.

لميس الحديدي: من حق ميدو يشتكي

وقالت لميس الحديدي: "ممكن يكون استخدم ألفاظ قاسية أو عمم لكنه مواطن ومن حقه يشتكي، وأكيد مش مختلق قصة، ومش كل واحد نختلف معاه نوديه النيابة، ليرد عضو النقابة: "يروح يشتكينا في النيابة".. لتقاطعه "الحديدي": "هو كل حد يشتكي من جهة نوديه النيابة كده الناس مش هتنطق".

وتابع عضو نقابة الأطباء: "يروح يشتكي ومايعملش فيديو لايف»،  لترد عليه الإعلامية: «يروح النيابة ليه يشتكي هناك أنت عارف كويس أنه لو راح للنقابة كان هيبقى مصير الشكوى زي أخطاء الإهمال الطبي، ومش هيوصل لحاجه"، ليعقب أمين: "ده مش حقيقي  جهات التحقيق  بتاخد  حق الناس، وبيتم التحقيق مع أطباء، ويتم التعامل معهم بمنتهى الشدة،  وناس كتيرة حقها رجع، إحنا عاوزين نكرس لدولة القانون".

مشادة بين لميس وعضو الأطباء

وقاطعته مجددًا الإعلامية لميس الحديدي: "إيه علاقة الشكوى بدولة القانون ملهاش علاقة؟ ده مواطن عنده مشكلة" ليجيبها عضو النقابة قائلًا: "هو مقلش أنه راح ملقاش دكاترة هو عاوز دكاترة كبار من نوع خاص".

وأكملت حديثها قائلة:  “الالتزام بوجود الأطباء كبار وصغار بتكون أكثر قسوة وتواجدهم في المستفشيات بيخضع  لتعليمات مشددة  أكثر من الأيام العادية".

وعقبت الحديدي “ليه بدال ما تتكلموا  الراجل تسألوه في شكوته نوديه النيابة معدش حد عارف ينتقد أطباء ليه؟"، ليرد: “ده مش دورنا إني أفتش على المستشفيات ده دور النيابة العامة المفروض يروح يقدم تفاصيل كشوته هناك".