يدرس فى الأردن
أسرة قبطان الفيوم المفقود فى البحر تستغيث بوزيرة الهجرة: وحيد أمه
تستغيث أسرة الشاب سامح سيد شعبان، ابن محافظة الفيوم، بالمسؤولين ووزيرة الهجرة بعد غرق ابنها فى المحيط الهادى دون العثور على جثمانه من الجمعة الماضية وحتى الآن.
صفحات الفيس بوك
ونشر شقيقه عبر صفحته الشخصية فيس بوك: "أخويا مفقود فى عرض البحر فاضل يومين على أنه يقدر يعيش من غير لا أكل ولا شرب ومحدش بيتحرك".
وتابع: بعدإذن الناس كله يعمل شير حق اخونا وصاحبنا القبطان سامح سيد شعبان كامل خريج دفعة 2020/2021 من الأكاديمية البحرية الأردنية شاب من الشباب المحبوبة والفئة المتوسطة داخل محافظة الفيوم دخل الكلية زى زى اى حد واتخرج وجه اشتغل على مركب تجارية سافرت بيه فى شهر فبراير الماضى.
المركب اتخرمت
وتابع: "بيتواصل معانا كل فترة من الفترات عادى الشهر اللى فات بعتلنا انا المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة طبعا اتجاهم ركبوا من اليابان وبعدين راحوا كوريا والصين المهم كذا بلد لحد جزر المالديف والسفينة اتخرمت طبعا وعملوها وتتخرم المهم ان سامح مصور لنا كل حاجة صوت وصورة والمركب بتدخل مياه جم يوم 20/6 عملوا مشاكل مع القبطان وراجعوا واحد مصرى من الاسكندرية من كتر المشاكل اللى عملوها يوم 14/7 غرقت المركب كانوا 12 واحد ف المياه نزلوا في زورق في المياه في نص المحيط الهندى".
موج البحر
وأضاف: "أعلنوا استغاثة اقرب سفينة ليهم كانت ع بعد 12 ساعة منهم بعد ساعة من غرق السفينة وقع سامح من على الزورق في المياه والموج اخده بعيد عن الزورق حاول صاحبه القبطان محمد جمال يلحقه بس للأسف البحر اخد الاتنين كانوا لابسين لايف جاكيت وبعدوا عن المركب بعد 10 ساعات من الحادث الزورق باظ وبعدها بساعتين السفينة جت اخدت الـ 10 الفاضلين من الـ 12 شخصا اللى كانوا ع الزورق فى سامح ومحمد مش موجودين ولا لقيوا حتى جثثهم مش طالبين غير أن الناس تقف معانا عاوزين صاحبنا واخونا حتى لو جثته يا جدعاااان ساعدونا اللى يعرف حد يكلمه الراجل ده ولد وحيد امه وامه بتموت عليه لا عارفين هو عايش ولا ربنا توفاه".
