صباح تستغيث بمحافظ المنيا: "هموت لعدم حصولي على علاج فيروس سي" (فيديو)

محافظات

السيدة صباح
السيدة صباح

 

 

 

علي أعتاب قوائم الإنتظار بالتأمين الصحي بالمنيا ينتظر هناك الكثيرون بالسنوات، بالرغم أن المبادرة الرئاسية التي طرحها الرئيس السيسي قائمة على تخفيف معاناة غير القادرين وإجراء الجراحات العاجلة والحرجة بأعلي جودة وفي أسرع وقت ممكن وذلك لإنهاء قوائم الإنتظار مجانية بالكامل.

 

" الحاجة صباح " تروي لـ"الفجر، معاناتها في قوائم الانتظار داخل مبنى التأمين الصحي.

تروي "صباح حسن"،معاناتها قائلة: أنا ست كبيرة ومريضة وأتمني من كل مسؤل أو ذوي القلوب الرحيمة مساعدتي حتي أحصل علي العلاج المناسب لحالتي وأخفف من آلامي منذ أكثر من سنتين وأنا بموت بالبطئ أعاني من فيرس سي ومياه بيضاء علي عنيا الاتنين، على حد تعبيرها.

علاج بـ 1000 جنيه

ولفتت ابنة حي جنوب مدينة ملوي: “أنا مريضة بفيروس الكبد فيرس سي عملت عملية منظار عند دكتور  في ملوي وكتبلي علاج بألف جنيه أجيبه إزاي ومنين وانا دخلي علي قد الحال دخلي ٦٠٠ جنيه بعد  سداد القرض”.

أكل وأشرب منين

واستكملت حديها لـ "الفجر: أكل وأشرب منين واصرف علاجي منين وعندي بنت يتيمة علي وش جواز عايزة أجهزها وعندي ولدين واحد عاطل مش لاقي شغل والتاني بيقضي نفسه بالعافية مابيصرفش عليا غصب عنه الله يعينه هو واللي زيه" علي حد تعبيرها".

بلغت من العمر عتيا

واستطردت قائلة: أنا محتاجة علاج الفيرس كل ما أذهب التأمين الصحي يأجلوها وانا منتظرة العلاج وجمع المرضي قامت بالصرف دون انا، ولا أعلم سبب التأخير والألم يشتد وأنا لم اتحمل كل تلك المعاناة، فقد بلغت من العمر عتيا، اللي معايا صرفت وأنا لسة مش عارفة سبب التأخير والألم بيشتد عليا وبتقطع من جوايا وعايزة أنام اليوم كله وبتكلم بالعافية  ده غير عنيا قربت مااشوفش بيها خالص.

مناشدة

وفى النهاية ناشدت السيدة الستينية، اللواء أسامة القاضي محافظ المنيا، والدكتور محمد نادى وكيل وزارة الصحة بالمنيا، ومدير التأمين الصحي بالمحافظة قائلة: انظروا لي بعين الرحمة، أنا بموت بالبطئ اتمني صرف علاج فيرس سي لأن تكلفته عالية صعب أشتريه علي نفقتي الخاصة وأن يتم تحديد موعد لي  بعملية المياه البيضاء حتي لا يصيبني العمي.