"مفيش مستحيل وكلنا لازم ننجح".. تامر حسني يوجه رسالة من القلب للشباب

الفجر الفني

تامر حسني
تامر حسني

 

نشر الفنان تامر حسني عبر صفحته الشخصية على موقع إنستجرام بوست لإحدى الصفحات “البيدچات” وهي تعبر عن مدي إعجابها الشديد بأغنية هدلعني وكليب عشأنجي الذي تم طرحه يوم الجمعة الماضية وهو من إخراج تامر حسني.

تامر حسني

 

الإشادة بنجاح تامر حسني

وقالت البيدچ: “عن هدلعني وعشأنجي وتامر حسني ذاته، الراجل ده أنا بحترمه كل يوم اكتر عارفين يعني ايه فنان بيحارب الذوق المتدني لوحده بأغاني مش للحب وماشاء الله قادر يكون تريند رقم ١ !! بصوا هو فين وجيله فين جيله اللي كل اغانيهم حب بس.. مدركين أن هدلعني شرح فيها الزمن بجملة واحدة من أعظم ما يمكن وكمان كلامه وألحانه قال (إحنا في زمن لو إحتاجت فيه ايد تدفيك امسك ايدك التانية) معاه حق جدًا ده زمن يلا نفسي”.

 

 

أغنية عشأنجي

وتابعت الصفحة:  "نيجي بقا لعشأنجي والعظمة في فكرة التصوير وتجسيد العالم علي أنه شركة والعالم ده بقت مقاييسه مختلفة جامد الأفاق اللي مش كويس متشال عالراس زي ما بنشوف ناس كده كتير وحشين وليهم حاجات مش حلوة زيهم شايلينهم علي الرأس وعلي النقيض ناس محترمين وعلماء ودكاتره محدش يعرفهم ولا بيعبرهم ومحدش بيتكلم عليهم كل يوم ولكن زي ما قفل الكليب أن برغم أنه أثر علي اخوه وخلاه زيه بس في النهاية لا يصح إلا الصحيح الجاحد طري واتطرد من الشركة هو وأعوانه والطيب لسه جوه الشركة علي أساس ليه فرصة تانية ويمكن مغيب لفترة بس هيفوق يااااااه يا تامر وكمان فكرتك وإخراجك أنت نضجت لدرجة نفخر بيها كمصريين فعلًا كل التقدير لك ولأفكارك".

تامر حسني

 

رد تامر حسني

و جاء رد حسني عليه معلقًا:  من" قلبي كل الشكر، تحليل فعلًا أدق من الدقة وشارح كل مشهد زي ما فكرت فيه وأخرجته بالظبط واللي كنت عايز أقوله في الكليب موجود بالحرف في البوست ده كنت عايز اطمن كل شخص محترم وطيب حاسس أن حلمه أتأخر عشان شايف الجحود هو اللي طاغي في الحياة عايز أقوله اصبر الجاحد هيمشي يعني هيمشي ووقتك هيجيلك ولو اتأثرت شوية وعقيدتك اختل توازنها، ليك فرصة تانية وخليك جوه شركتك يعني دنيتك المقسومالك عشان لما الشر والجحود يمشوا هيبقي زمنك لوحدك عشان صبرت وساعتها هتعرف قيمة صبرك وتعبك لما يتحوشولك ويجولك من ربنا مره واحدة قدام هينسوك هموم الدنيا والأحقاد وقذارة النفس مهما صوتهم بقي عالي خلي يقينك في كرم ربنا أعلي بكتير وزي ما دائمًا يقول صراع الدنيا صراع يقيني هتفوز لما تصدق وتأمن بغيبيات قالهالنا ربنا في كل الأديان غيبيات مش هتعرف تشوفها غير بقلبك اللي هيحسها وزي ما دائمًا بقول لكل شاب وكل فتاة وكل إنسان معندناش حل غير أن كل واحد فينا ينجح (مفيش مستحيل) ولو مش عاجبك مكانك في الدنيا غيره عادي أنت مش تمثال".

مشاهدات مرتفعة لـ "عشأنجي"

الجدير بالذكر أن كليب عشأنجي لتامر حسنى محقق مليون ونصف مشاهدة علي يوتيوب منذ بداية طرحه من يومين.