عصام السقا ينعى يوسف بائع الفريسكا
نشر الفنان عصام السقا عبر صفحته الشخصية على موقع فيسبوك بوست ينعي فيه الشاب يوسف بائع الفريسكا في الإسكندرية الذي توفي اليوم حيث نشر صورًا له وعلق عليها قائلًا “ فاكرين يوسف اشيك بياع فريسكا في مصر”.
عصام السقا ينعى وفاة يوسف بائع الفريسكا
وتابع قائلا: “يوسف كان بيبيع فريسكا في محطه رشدي في اسكندريه، طلع تريند من فتره لإنه كان بيبيع بطريقه فيها ابتكار شويه وكان مهتم بمظهره جدا عشان الناس متحسش إنه بيشحت أو إنه اقل من حد”.
وأضاف: “اتهان كتير وناس اتريقت عليه لكنه مفرقش معاه حد لإنه كان شايف هدفه في الحياه، اكتر حاجة احترمتها فيه إنه كان عايز يعيش بكرامه ويكسب بتعبه وعرق جبينه دون ما يستسلم أو يكره دنيته اللي عايشها أو يحتاج لحد، وبالطريقه دي كسب احترام كل اللي اتعامل معاه رغم بساطه اللي بيبيعه”.
واستكمل قائلا: "للاسف اتوفي النهاردة في حادثه وساب وراه ولاده ومراته، كان عايز يوصل لهدفه لكن ربنا كان ليه اراده ومشيئه تانيه، مات لكنه ترك لينا ذكري جميله وامل في ان الحياه محتاجه حد زي يوسف عشان يعرف يعيش الدنيا دي بأحترام ويتأقلم معاها من غير ما يديها فرصه تكسره، مات لكن ذكراه مماتيتش "
واختتم البوست بالدعاء له بالرحمه حيث قال "ربنا يرحمك ويصبر ولادك ويعوضهم غيابك".
آخر أعمال الفنان عصام السقا:
و الجدير بالذكر أن آخر أعمال الفنان عصام السقا هي مسلسل "وسط البلد" الذي يُعرض حاليًا علي قناة "أم بي سي مصر" والمسلسل من إخراج كلًا من: أحمد شفيق، زياد الوشاحي، محمد أسامة.
سيناريو وحوار: شريف يسري، خالد أبو بكر، إبراهيم ربيع، عمر الشحات، شادي أسعد، أكرم يحيى، مينا بباوي، بسنت الحديدي ملاحظ سيناريو: نشوى زايد إشراف على الكتابة: أمين جمال إنتاج: حسن عسيري مدير التصوير والإضاءة: أيمن أبو المكارم، سامي المغربي مونتاج: محمد عبد المنعم موسيقى تصويرية: راجح داوود.
