عمر كمال يكشف عن فيلمه الجديد بطولة بيومي فؤاد

كشف مطرب المهرجانات عمر كمال إمكانية اتجاهه إلى التمثيل بعد مشاركته كضيف شرف في مسلسل "بين السما والأرض"، الذي عرض في موسم رمضان 2021، وذلك خلال إستضافته في برنامج It's show time.

عمر كمال يكشف حقيقة رجوعه للتمثيل

وتحدث عمر كمال عن إمكانية رجوعه إلى التمثيل، حيث قال: في مشاريع تمثيل أنا عطلتها بعد مسلسل بين السما والأرض، وعايز أثبت نفسي في الغناء الأول، وعايز أعمل أرضية كبيرة كمطرب، والناس تحبني وتقبلني، وبعدها أفكر في التمثيل، وعشان كده وقفت مشاريع ورجعت عرابين كنت واخدها، وهشارك في أغنية فيلم خطة مازنجر بطولة بيومي فؤاد وياسمين رئيس.

وعن شركته الخاصة لإنتاج أغانيه، رد عمر كمال: أنا بشوف نفسي في الإنتاج، ولما شركة تنتج ليا ممكن تفرض مخرج أو تغيير في الأغنية، أنا كمنتج أستعين بالمخرج اللي أنا عايزه، وأغير في الأغنية وأصرف زي ما أنا عايز وأصور في اليوم اللي أنا عايزه، وأحط الأغنية على قناتي في يوتيوب، وعلى حريتي تماما.

أخر أعمال عمر كمال

ومن حانب أخر طرح عمر كمال مؤخرا أغنية بعنوان "حلوين أوي" برفقة المطرب عبد الباسط حموه الذي حققت مجاحا كبيرا عبر قناتة "باليوتيوب" وهي من كلمات وألحان عمر قطب وتوزيع إسلام شيبسي.

كلمات أغنية حلوين أوي

وتقول كلمات الأغنية "عيني إحنا ابسط خلق الله واقل ناس فى الدنيا دي تعاملنا بما يرضى الله تكسب قولبنا فى ثانيه تعمل معانا الغلط وتفكر انك لبط ع السكه تيجي تتظبط وتشوف وشوشنا التانية مين يرفع عينه فينا ولا يعمل راسه بينا دا اللى يطنطط علينا متخلقش فى الدنيا دى لفينا ياما روحنا وياما جينا ومهما خبط موجها فينا مبنغرقش مسيكنا الدولارات وركيبنا الطيارات لفينا الدنيا دي من غير باسبورات وصحبنا ولاد ذوات وجملنا ب أولوفات لا فى يوم مدينا ادينا ولا قولنا لحد هات لا في يوم مدينا ادينا ولا قولنا لحد هات".