تامر حسني لإحدى الفانز: سنحتفل برقم أسطوري وأول من نوعه يحققه فيلم "بحبك"

نشرت سيدة من فانز الفنان تامر حسني بوست تُشيد فيه بفيلم بحبك للفنان تامر حسني حيث علقت عليه قائلة: “ البلد دي فيها مجموعة كدة من الناس، عايشين عشان يحبطوا ويحقدوا، وبس، دخلت الفيلم عشان اعرف ايه اللي مش عاجب الناس؟!؛ وايه وجه اعترضهم؟!!”.

لقيت موهبة تضج على الأرض سبحان الخالق،  اسمها تامر حسني،   عندما أراه ممثل ومخرج واساسا مطرب، اقول له من هنا دون أدنى مجاملة، لولا نجاحك ما تعرضت للنقد الهادم، مبروك نجاحك تامر حسني، رأيت لأول مرة هنا الزاهد في حتة تانية، تقلت ونضجت فنيا، وقوفها أمام تامر حسني كان في حماس للافضل، الممثلين رائعين.

اه نسيت اقول تامر حسني كوميدان من الدرجة الأولى.. ربنا يحفظك أخي في الله تامر حسني"

رد الفنان تامر حسني

و جاء رد الفنان تامر حسني عليها عبر خاصية استوري عبر صفحته الشخصية بموقع إنستجرام قائلًا: “أستاذة إنتصار بشكرك علي قلبك الجميل وشخصيتك المستقلة، ربما يكون هناك ضعاف النفوس الغير قادرين علي استيعاب فكرة الطموح لهذا الحد وأن ممكن شخص في الأساس مطرب ويعمل كل ده، عشان للاسف القلة دول اتربوا يكونوا حافظين مش فاهمين عاش يردد زي البغبغان ميعرفش شئ عن الإبداع، والطموح المفروض ميكونش له سقف وده مبدائي، بخلاف المأجورين اللي بائعين زمتهم لخدمة ناس تانية ودول أقل من أننا نهتم بيهم،لأن الناس عارفينهم واحد واحد ”.

وأضاف: “اللي عايز افرحك بيه أن في شباب كتير أو ي اتشجعوا لفكرة أن مفيش مستحيل ولتعلموا ميحكموش علي الشئ إلا لما يشوفوه بنفسهم، واللي يفرحك كمان أن الفيلم المصري العربي اللي حقق أعلي إيرادات في تاريخ السينما العربية عالميًا هو فيلم بحبك تأليف وإخراج وموسيقي تصويرية مطرب اسمه تامر حسني، اكيد بعد النتيجة دي هيكون في إفادة لشباب كتير أنهم يكسروا المألوف ويكون ليهم شخصية مستقلة ويكونوا أصحاب تجربة خاصة”.

وتابع: "كان استغرابي الوحيد أننا نلوم علي المجتهد ونترك المقصر والفاسد وده كان موضوع اغنيتي الجديدة عشأنجي لأني قارئ الأحداث من زمان ولكن متأكدة أنه لا يصح إلا الصحيح وايام وسنحتفل كصناع سينما والشركات المنتجة والموزعة رقم اسطوري أول من نوعه حققه فيلم بحبك.سنعلن عنها في الاحتفال قريبًا، وانتي اول المدعويين، بشكرك علي دعائك ليا دي اجمل هدية في الدنيا والآخرة أنا عارف قيمتها كويس الف الف شكر ربنا يحفظك انتي وكل اهل بيتك وكل متابعينك الكرام وكل الناس يارب".

فيلم بحبك 

فيلم «بحبك»، من تأليف وإخراج تامر حسني، في أولى تجاربه بالإخراج السينمائي، ويشارك في بطولة العمل كل من: حمدي الميرغني، هنا الزاهد، هدى المفتي، مدحت تيخة،  شهد الشاطر، عالية راشد، وعدد آخر من الفنانين.

ألبوم عشأنجي لـ تامر حسني 

من جهة أخرى، طُرح ألبوم عشأنجي للفنان تامر حسني، حصريًا، عبر تطبيقي أنغامي وديزر للموسيقى، وذلك في تمام الساعة الـ 12 مساء ليلة الجمعة 22 يوليو.

ويتضمن ألبوم تامر حسني الجديد، من 9 أغنيات، هي: «أحلى كلام، عشأنجي، ما بجيش بالطريقة دي، بعد مؤقت، سوحنا، زي الأيام دي، خدنا مناعة، سجل يا تاريخ، ليه طله».