صالح جمعة يرحب بالانتقال للزمالك

الفجر الرياضي

صالح جمعة
صالح جمعة


رحب صالح جمعة لاعب الفريق الأول لكرة القدم بالنادي الأهلي السابق، وسيراميكا كليوباترا الحالي، بالانتقال إلى صفوف الزمالك خلال الفترة المقبلة.

 

صالح جمعة يرحب بالانتقال إلى الزمالك

 

وأوضح صالح جمعة في تصريحات تليفزيونية عبر برنامج الريمونتادا على قناة المحور: "كان في كلام مع الزمالك عن طريق عبد الله جمعة أخويا وعن طريق وكلاء بيتكلموا مع الزمالك لكن أنا فاضلي سنتين في سيراميكا بعمل اللي عليا ومنتظر نهاية الموسم أشوف الدنيا فيها ايه، وهوافق طبعا لو جالي عرض رسمي من الزمالك، فهو نادي كبير وجماهيرية كبيرة وإدارة كبيرة الزمالك شرف لأي حد".

 

وتابع: "سيراميكا نادي محترم جدًا، والإدارة محترمة والناس بتعاملنا بشكل ممتاز وأحمد سامي على المستوى الشخصي يتعامل معنا بشكل رائع وبيحل مشاكل اللاعيبة".

 

 

وأضاف: "أحسن 5 سنين ونص في الملاعب بالنسبة لي لما كنت في النادي الأهلي،  وكان في مدربين في الأهلي علاقتي بيهم كويسة جدا، وفي مدربين اتعاملوا معايا بشكل مختلف وطلعوا أحسن حاجة في صالح وفي مدربين العكس عشان كدة مكانش في بينا تفاهم".

 

واستكمل: "لحد انهاردة بتابع النادي الأهلي وأمنيتي لحد انهاردة إني أرجع النادي الأهلي، العلاقة فعلا كانت متوترة بيني وبين فايلر فوجئت من ساعة قدومه حتى في التقسيمات بيخرجني، وسيد عبد الحفيظ اتكلم معاه وقاله قرب من صالح وكان أسلوبه معايا صعب شوية، وفضلت 6 شهور في الجيم تحت قيادته، والناس في الأهلي وقفت جنبي وكان ليا فلوس وسبتها ولما اتكلمت مع سيد عبد الحفيظ قولتله أنا عايز أمشي خالص وقالي اللي انت عايزه احنا هنعملهولك".