"أنا مش مرتبطة ومش بحب الراجل اللى بتعجبه أى واحدة".. مواصفات فتى أحلام هدى المفتي

الفجر الفني

هدي المفتي
هدي المفتي

كانت الفنانة هدى المفتى ضيفة شرف في برنامج "معكم مني الشاذلي" للإعلامية منى الشاذلى، مساء الخميس، وتحدثت هدى المفتي خلال الحلقة عن حبها للأفلام القديمة ومواصفات شريك حياتها، قائلة: "الأفلام القديمة شغالة عندى في البيت على طول ومتربية عليها وبالنسبالى إدمان مشاهدة الأفلام خاصة أفلام فاتن حمامة أنا بحبها جدا".

هدي المفتي والإعلامية مني الشاذلي 

مواصفات فتي أحلام هدي المفتي 

عند سؤال الإعلامية مني الشاذلي مواصفات فتى الأحلام قالت الفنانة هدى المفتي: "أنا مش مرتبطة ومعنديش مواصفات لفتى الأحلام، ولكن عندى صفات يعنى انا لا يفرق معايا شكله ولا طريقه لبسه وكل اللى بره ده اخر حاجة تفرق معايا، ولكن يفرق معايا أخلاقيات إنسان وروحه، أنا رومانسية موت وحساسة جدا، يعنى في ناس غصب عنى بشوفهم بيكون في لحظة ضعف كده لأن انا لما بحب بحب أوى لكن أكيد في أجراس الخطر طبعا، لكن أنا بحب الإنسان بعيوبه ومش بحب أغير فيه، طلاما حد بحبه لازم اتقبل العيوب، ومش بحب الراجل اللى أى واحدة بتعجبه لو يكون هي واحدة بس اللى عجبته".

الفنانة هدى المفتي حول حياتها الشخصية 

أوضحت الفنانة هدى المفتي إنها لا تحب الحديث عن حياتها الشخصية، وتنزعج أيضاً ممن يحاولون التدخل في حياتها بشكل غير لائق، لا سيما عند السؤال عن تفاصيلها العاطفية.

 

أوضحت أيضاً هدي أنها ترفض التدخل في خصوصياتها، وتتعامل على السوشيال ميديا فيما يخص عملها فقط، واوضحت ذلك قائلة: "أنا بتكسف أعمل فيديوهات، ومش بحب أبين حاجة شخصية لكن أحب أبين حاجات عن شغلى، أو صورة ليها ذكرى حلوة ليا بس، ومش بحب حد يتدخل في حياتى زيادة أو بطريقة غير لائقة لأن في ناس بتسأل أسئلة محرجة".