تامر حسني بعد تحقيق "بحبك" أعلى حضور جماهيري في تاريخ السينما العربية: "ربنا بيكرم على قد التعب"

أعلنت شركة أورينت الدولية المسئولة عن توزيع الأفلام العالمية أن الفنان تامر حسنى حقق أعلى حضور جماهيرى لفيلم عربى على مستوى العالم، حيث حضر الفيلم 2 مليون و600 ألف شخص فى شهر ونصف، ويعد هذا رقم أول من نوعه، كما اقتربت إيرادات فيلم بحبك إلى 600 مليون جنيه. 

وتعد ظاهرة أولى من نوعها فى تاريخ السينما العربية، وهو من إنتاج شركة سينرچى وفيلم سكوير وسكاى ليميت وTh برودكشن. 

و جاء تعليق الفنان تامر حسني علي تحقيق هذان الرقمين القياسين لفيلمه “بحبك” عبر صفحته الرسمية على موقع إنستجرام 

الحمد لله من جد وجد وربنا بيكرم على قد التعب الحمدلله عشان نجحت وحققت الإنجازين دول واثبت اني كنت شايف صح وصاحب رؤيه وشخصيه فنيه مستقله مبتمشيش غير ورا قناعتها اللي بتتبني بعد دراسه كبيره للأشياء حبيت اقول للشباب مفيش مستحيل.

بقول الكلام دا عشان يكون قدامكوا عبره واضحه تخليكوا متيأسوش ودايمًا عندكوا امل وولا يهزكوا اي حروب واحقاد وناس مأجوره كل دا (( بلح )) جانب الإجتهاد الحقيقي والانسان لما يبقى عنده تحدي قوي مؤمن بيه،، اللي بيطلع من القلب بيوصل للقلب ولا يصح الا الصحيح واوعى تفتكر ان في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك".

وتابع: “شكرًا سينرچي وسكاي ليميت وفيلم سكوير وth برودكشن واورينت الدوليه انكم صدقتوني لما قولتلكم ان شاء الله هنعمل انجاز تاريخي بفيلم رومانسي في عصر العنف والقتل وهنرجع نحب ونرجع المشاعر تاني، اهو الإنجاز بقى انجازين رقم عمري ما طلبته من ربنا لإنه عمره ما يجي في خيالي كنت اطمح في ربعه وعدد زوار الفيلم ربنا كرمنا وفخور كل الفخر بأن اعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويريه وإخراجي الحمدلله ومليون مبروك لجميع ابطال وصناع الفيلم وكل الشكر الجمهور المصري والعربي والعالمي اللي شرفنا وتسبب في هذا الحدث العظيم في حياتي”.

فيلم بحبك

الجدير بالذكر، ان فيلم "بحبك" يُعرض حاليًا، وتدور أحداث "بحبك" حول شاب يعيش قصتَي حب، ويتخبط قلبه بين فتاتين، ويُظهر الفيلم مدى الاختلاف في التعبير الصادق عن الحب بين الرجل والمرأة، وهو أولى التجارب الإخراجية للفنان تامر حسني، ومن تأليفه وبطولته أيضًا، إلى جانب كلٍ من:​ ​​هنا الزاهد​​​، ​​​حمدي الميرغني​​​ و​مدحت تيخة​ و​​​هدى المفتي.

آخر أعمال الفنان تامر حسني

 آخر أعمال الفنان تامر حسني هو ألبوم عشأنجي وهو يضم 9 أغنيات وهم 
عشأنجي وهي من كلمات: حماده السيد،الحان: مديح، توزيع: امير محروس.
مبجيش بالطريقة دي وهي من كلمات: تامر حسين الحان: تامر علي، توزيع: يحيى يوسف.
سوحنا وهي من كلمات: محمد عاطف،الحان: احمد زعيم،توزيع: وسام عبد المنعم.
خدنا مناعة وهي من كلمات: احمد المالكي،الحان: بلال سرور،توزيع: توما.
ليه طلة وهي من كلمات: هالة الزيات،الحان: محمود الخيامي،توزيع: نابلسي.
احلى كلام وهي من كلمات: كريم حكيم - تامر حسني،
الحان: مودي منير - تامر حسني،توزيع: Bron Ze
سجل يا تاريخ وهي من كلمات: عليم - تامر حسني،الحان: مودي منير - تامر حسني، توزيع: نابلسي. 
زي الايام دي وهي من كلمات: تامر حسني،الحان: تامر حسني، توزيع: نابلسي.
بُعد مؤقت وهي من كلمات: رمضان محمد،الحان: مودي منير،توزيع: محمود صبري.