مفيدة شيحة تكشف عن طريقة طريفة لوالدتها تصالح بها والدها (فيديو)
كشفت الإعلامية مفيدة شيحة، عن قصة الحب بين والدتها ووالدها، مؤكدة أن قصة الحب بينهما كانت من نوع خاص وفريد ومن زمن جميل.
كيف كانت تصالح والدة مفيدة والدها؟
وأضافت "مفيدة شيحة"، خلال تقديم برنامجها "الستات"، المذاع على فضائية "النهار"، مساء اليوم الأربعاء، "أمي لما كان بابا بيزعل منها كانت ينشغل له أغنية انا بعشقك، كانت بتصالحه من خلال اتصال هاتفي وتشغل أغنية أنا بعشقك".
الحب جميل حتى لو مكملش أو مقدرناش نحافظ عليه
وتساءلت مفيدة شيحة، "هل في الزمن الحالي ممكن حد يعمل كده؟"، مضيفة "الحب جميل حتى لو مكملش أو مقدرناش نحافظ عليه، وهيفضل له ذكرى جميلة عن الماضي!"، مضيفة أن 'اللي قلبه على حبيبه يدور عليه ويجيبه!، في مقابل: اللي باعك بالفول بيعه بقشره! ".
وتابعت "بس مهو محمد فوزي رد وقال اللي يهواك اهواه واللي ينساك انساه، اللي باعك بيعه.. هو لو في حب كان باع أصلا؟.. دا معناه إنه مفيش حب ولا حاجة، لكن إيه فايدة العذاب والانتظار والمحاولات.. اللي بيمشي دا مش عاوز حاجة.. خلاص".
واستطردت "لازم نصدق إنه مفيش فايدة من الكلام دا!، أنا ياحبيبي صحيح بتسامح إلا في عزة نفسي وحبي، وأما يفيض بي ما بعرف أصالح وأعرف أجي كتير على قلبي، ولإن مش كل حاجة ينفع يتسامح فيها.. ونقاوح ونقول دا حب.. في وقت لازم نمشي وننتهي".
