في أول ظهور له بعد غياب.. شريف عامر يبكي على الهواء(فيديو)
انفعل الإعلامي شريف عامر، في أول حلقة له بعد انتهاء فترة إجازته، حيث بكى على الهواء.
وقال "شريف عامر" خلال تقديم برنامجه "يحدث في مصر" المذاع على فضائية "إم بي سي مصر" اليوم الثلاثاء: "الواحد مش قادر يخبي انفعاله في اليوم الأول بعد غياب طويل الأجازة سنوية ولكن كل مرة متوتر ومتمني أن اللي هيعمله يكون مسموع".
وأضاف "المرة دي اصعب والغريب أن أول درس أخذته في حياتي المهنية كنت داخل في استديو 12 في الدور الثالث وكان بيدربني في الاذاعة هو الأستاذ محمد سليم كنا 5 أو 6 شباب لما قال لو أبوك أو أمك ماتوا لو مبلغتش يبقوا ممتوش".
وتابع "النهاردة أنا على الهواء وهما مش موجودين، كنت متصور أنه بعد 40 يوم من وفاة والدي أبدأ بداية مختلفة لمع في دماغي هذا الخاطر والهواء لازم يشتغل والحياة تستمر أرجو الواحد يبقى عارف يستمر بالشكل اللي تتوقعوا".
واستطرد " الأصعب بعد الهواء لأن أبويا كان راجل قلوق جدًا مهما كان السن كان لازم يتكلم يطمئن عليا، النهاردة لن تتم هذه المكالمة أتمنى أن يكون راضي والله يرحم الجميع أنا أسف إني فتحته ولكن أول يوم أقف في حياتي قدام الكاميرا شبيه بالنصيحة ولكن مختلف في التجربة".
