أحمد موسي يهاجم عمار على حسن: "الدكتوراه بتاعتك أرميها فى الزبالة"
شن الإعلامي أحمد موسى، هجوما حادا على الدكتور عمار على حسن، أستاذ الاقتصاد والعلوم السياسية بعد مهاجمة الأخير له قائلًا: “ إحنا كإعلام خاص مش تبع الحكومة، في مقدمة الداعمين للدولة ومصالح الدولة ومصالح بلادي؛ ده دورنا وهنفضل عليه؛ علشان فيه واحد اسمه عمار علي حسن وده خريج اقتصاد وعلوم سياسية، لما اتخرج من كليته كنت بشتغل وليّ اسم في الأهرام”.
الدكتوراة بتاعتك دي ارميها في الزبالة
وتابع موسى، خلال تقديم برنامج "على مسئوليتي" المذاع عبر قناة "صدى البلد"،: "أنت بتقول هتابع أحمد موسى النهاردة أنا مش بشوفه؛ ميشرفنيش انك تشوفني بالمناسبة والبرنامج ده بيتابعه 30 مليون وقد تكون لا ترى، وهذا البرنامج له مصداقية كبيرة سواء حضرتك راضي، وعمري ما قابلت عمار علي حسن وعمري في تاريخي ما قابلته".
وأردف أحمد موسى: "قالك هشوف هيتابع زيارة الرئيس إزاي؟؛ هو أنا قلتلك أنا مش بدعم بلدي!، والدكتوراة بتاعتك دي ارميها في الزبالة وارجع اتعلم يعني إيه علاقات دول؛ لا والله انت مش أستاذ علوم سياسية، وبقولك مرة أخرى يا دكتور عمار؛ وأنت لا تستحق أقول اسمك لا انت ولا غيرك على فكرة".
قولي يا عمار يا علي حسن ماذا تريد من مصر؟
وتابع موسى موجهًا حديثه لـ عمار علي حسن قائلًا: "مش عاجبه الرئيس لما ساند الثورة، ومش عاجبه لما اتحرك مع أشقائنا العرب، قولي يا عمار يا علي حسن ماذا تريد من مصر؟، هل عاوز مصر دويلات وميليشيات؟، هل عاوزها دولة مقسمة؟".
هل مصالح مصر العليا أهم أم أطماع بعض الأشخاص أهم؟
واختتم أحمد موسى حديثه قائلًا: "هل مصالح مصر العليا أهم أم أطماع بعض الأشخاص أهم؟، هل كانت عاجباك مصر في فوضى 2011؟؛ عارف إنها عاجباك 2011 أدت إن جماعة الإخوان الإرهابية حكمت مصر، وتيجي دول يكون ليها أطماع داخل بلدنا، عاوز مصر ضعيفة يا عمار؟؛ أبدًا والله مصر قوية جدًا؛ عاوز ترجع مين لمصر؟؛ قولي"..
