نور النبوي عن خطوة إجباري: "أنا مش مغني وصوتي وحش لكن غنيت عشان الدور"

حل الفنان نور النبوي في ضيافة برنامج "معكم منى الشاذلي" الذي يتم عرضه على فضائية "CBC"  وبدا نور أن يتحدث عن كواليس دوره في مسلسل "راجعين يا هوي"، الذي تم عرضه في موسم رمضان الماضي، واشترك فيه مع والده الفنان خالد النبوي والفنانة وفاء عامر، والفنانة نور اللبنانية، والفنانة أنوشكا، وكشف أيضًا عن بعض الأسرار الذي لم يكشفها من قبل.

نور النبوي يكشف عن سر أغنية "خطوة إجباري"

تحدث نور عن أغنيته الشهيرة "خطوة إجباري" التي تصدرت التريند وقال: "أنا مكنتش بغني قبل المسلسل زي ما الناس فاكره، أنا كنت بأدي الأغنية بس مش أكتر، صحابي دايما بيقولولي ان صوتك وحش اوعى تغني أصلا انما انا عملت الاغنيه عشان الدور".  

كلمات الأغنية  

عامل نفسي مش داري واخذ خطوه
اجباري كله وباع ما فيش شاري
الشيكات ممضيه الغل فيكم كميه
نبروزينها بالنيه
ع ال Line احنا ماشيين
بس مش شايفنكو اسفين
في الدايره مفيش منافسين

دول وش في حيذه لابسين
انتو شمال وانا يمين
انا حلو وانتو وحشين
مياكلش عقلي لو مينشفته شافني مش شايف
تقديره ليا كان زايف
هروح بقلب مش خايف لا
فات اوانك يا زميلي
سابق قبل ما تجيلي
شوف اللقطه وادعيلي
من باب العلم بالشئ
انا عصبي خلقي بيضيق

نور يفصح عن كواليس مسلسل راجعين ياهوى

تحدث نور عن كواليس مسلسل "راجعين ياهوى" وقال: بمناسبة الناس إلى بتقول الواسطة وخالد النبوي بيدخل ولاده التمثيل والوسط الفني، انا اول اوديشن عملته روحته واترفضت فيه بالمناسبة وبعدها جالي دور وفرصتي في الاختيار" 

وتابع: "خالد اما مضى راجعين ياهوى انا مكنتش في المسلسل ولقيت اتصال ليا ان ممثل اعتذر عن دور طارق واحنا عايزينك والتصوير بعد ٤ ايام ودخلت البيت لقيت خالد  بيقول دي مصيبه ان الممثل اعتذر فقولتله انا المصيبه إلى قالولك عليها، وكنت بسجل بليل الأغاني عشان كان الدور طالع عنده أغاني والصبح بصور".

نور يكشف عن سر حبه للسينما

كشف نور النبوي عن سر حبه للسينما وقال: " الموضوع بدأ لما خالد خدني فيلم افريكانو شوفت احمد السقا بينط من الشلال أما نط فرحت، اما شوفته بيحب منى ذكي فرحت، وحصلي احساس فرحه كبير وكان نفسي اعملها"

وتابع: " من ساعتها بقيت مغرم بالسينما وكنت بشوف ٥ افلام في اليوم وانزل السينما كمان وكل ده لوحدي كنت بحب اتفرج على الندوات وعمري ما كلمت خالد النبوي إنه يشوفلي دولي لإنه مستحيل يقبل على نفسه كده"

آخر أعمال نور النبوي

شارك  نور خالد النبوي في الماراثون الرمضاني الماضي بمسلسل "راجعين ياهوى" وهو من بطولة خالد النبوي، أنوشكا، وفاء عامر، نور النبوي، سلمى أبو ضيف، هنا شيحه، نور اللبنانيه، ريهام الشنواني وعدد كبيرة من النجوم

والمسلسل مأخوذ عن رواية للكاتب أسامة أنور عكاشة، وسيناريو محمد سليمان عبد المالك ومن إخراج محمد سلامة. 
تدور أحداثه في إطار درامي حول بليغ وهو الفنان خالد النبوي الذي تتراكم ديون كثيرة عليه في أوروبا، فيعود إلى موطنه بغية استعادة حقه في الميراث، ولكن سرعان ما تتحول مهمته إلى مسعى للإصلاح ما بين أفراد عائلته.