بعد توجيهها نصائح لطلاب الجامعات.. سمية الخشاب تتصدر التريند مجددا (التفاصيل كاملة)

تقارير وحوارات

سمية الخشاب
سمية الخشاب

تصدرت مؤخرا الفنانة سمية الخشاب، مؤشرات البحث، علي منصات التواصل الاجتماعي، وأصبحت مصدر بحث وتساءل العديد من الأشخاص الساعات الأخيرة، وذلك لتقديمها نصائح للطلاب المقبلين علي الجامعة، لكيفية الاستعداد لبدء مرحلة تعليمية جديدة.


وبدأت سمية الخشاب في توجيه النصائح منذ فترة، ولها العديد من المتابعين، لذا توضح جريدة "الفجر" التفاصيل الكاملة حول تصريحات سمية مؤخرًا.


نصائح ماما سمية يا ولاد


نشرت الخشاب عبر حسابها الإجتماعي على موقع "تويتر" 4 نصائح لطلاب الجامعات، بمناسبة الاستعداد لبدء عام دراسي جديد، والذي يبدأ في الأول من أكتوبر المُقبل.


مما جعلها محط سخرية من رواد مواقع التواصل الاجتماعي، حيث تم تداول المنشور  تحت عنوان: «نصائح ماما سمية يا ولاد».


أول اسبوع ملهوش لازمة


وكتبت سمية تغريدة تقول فيها: «من أولها كده، أول أسبوع مالوش لازمة، متعملوش صحاب جداد من الدفعة خليكوا مع بتوع السنة اللي فاتت أضمن، متحتكوش بحد غير نفسكوا عشان في ناس شغلتهم يلبسوكوا وبس، وأنا بنفسي هبقى متابعاكم».

 

وتابعت نصائحها قائلة، معدش فيه أونلاين فننام بدري عشان الحضور، متحتكوش باللي بيبقوا قاعدين قدام محتلين الديسك اللي في الأول عشان معظمهم بيبقي نفسية.

 

- نحاول على قد ما نقدر منبقاش اجتماعيين إحنا مش رايحين نادي خلصوا المحاضرة أو التوتريال واجروا على البيت، ووجهت نصيحتها للفتيات قائلة متحتكوش بولاد الدفعة خالص.


تعليقات المتابعين


و علّق عدد كبير من المتابعين ورواد مواقع التواصل الاجتماعي، على منشور الفنانة سمية الخشاب، بتعليقات سُخرية وكوميدية، ومنها حيث قال أحدهم: «ماما سمية قالت ننام بدري يبقى ننام بدري.. فاهمين يا ولاد ويا بنات».


أول ما تبقوا stressed قوموا ارقصوا


وفي يونيو 2021، نشرت الفنانة عدة منشورات علي حسابها علي موقع تويتر، للطلاب قبل خضوعهم لاختبارات نهاية العام، قائلة:


"حبايبي أنا عارفه إنكم بتمتحنوا دلوقتي قلبي معاكم واول ما تبقوا stressed قوموا ارقصوا".


"حبايبي اللي في الثانوية العامة" قلبي معاكم واعملوا اللي عليكم واوعوا تخافوا مادام عملتوا اللي عليكم وارضوا بأي نتيجة عشان عمرها ما كانت نهاية العالم وربنا يوفقكم".


نصائح لطلاب كلية الصيدلة


"حبايبي بتوع صيدلة قلبي معاكم فالفارما D وC وكل الحروف، خلوا بالكم من الأورجانيك عشان غدار أكتر من الفرامل".