تعرف على أبرز تصريحات عفاف شعيب وحقيقة تعرضها للسحر

أثارت الفنانة عفاف شعيب حالة من الجدل  بعد تصريحاتها  فى برنامج " كلام الناس " المذاع عبر " إم بي سي مصر " من تقديم الإعلامية  ياسمين عز. وخلال اللقاء تحدثت عفاف شعيب عن حقيقة تخليها عن الحجاب، مؤكده أنها لم تفكر في التخلي عن الحجاب، قائلة: "الحمد لله لم أفكر في خلع الحجاب". 
وأضافت "لو أنت إيمانك قوي بالله هتعملي الصح، وأنا مش عاوزه الدنيا تأخذني والدنيا غرورة، والدنيا متاع الغرور.. قبل ما اتحجب كنت بحضر كل المهرجانات وعمري ما قولت فلانة لابسة أحسن مني أو حاجة، والحجاب عصمني من حاجات كتير".

عفاف شعيب: بطلت أقعد مع ستات عشان جلاستهم كلها ذنوب

قال “ شعيب ” الحجاب عصمني من حاجات كتير وبطلت أقعد مع ستات عشان جلساتهم كلها ذنوب.
و أوضحت أخذت ركن لوحدي علشان عايزة أقابل ربنا وهو راضي عني، ويرزقني حسن الخاتمة.

عفاف شعيب: طلاقي بسبب السحر 

قالت الفنانة عفاف شعيب عن تعرضها للسحر وزوجها رجل الأعمال رياض العريان  وأوضحت واحدة عملتلي سحر عشان جوزي يسبني وتخطفة مني ولكن قولت يارب انت وكيلي وحسيبي  وفعلا العربية أتقلبت بيها وعايشة عاجزة، وانفصلت عن جوزي وحاول يرجع مرة تانية لكن أنا رفضت لأن العقد بيني وبينه أنتهي خلاص زي المسلسل العقد بينتهي بعد ما بيخلص. 
https://youtu.be/eJ9urkOCCQw

عفاف شعيب: تتذكر اخر مكالمة جمعتها مع شويكار

وتحدثت الفنانة عفاف شعيب عن الراحلة شويكار وبكت على الهواء وقالت: "اتصلت عليا قبل ما تموت بأسبوع، وقالت لي عفاف أوعي تنسيني، قولت لها محدش ينساكي أنتي جميلة الجميلات".
وتابعت الفنانة عفاف شعيب "كنت بحبها من قلبي، وكررت أوعي تنسيني 3 مرات خلال المكالمة، وقلقت عليها بعد المكالمة، واتصلت عليها بعدها بيومين لكنها لم ترد".
وأشارت في تصريحاتها إلى أن الفنانة شويكار كانت تعاني من أزمات صحية كثيرة، لكنها كانت تقاوم المرض. 
ذنب إجهاض عفاف شعيب 
كما قالت: حسيت حسيت بالذنب علشان أجهضت نفسي أكتر من مرة وصمت 3 سنين علشان أكفر عن غلطتي".

وتابعت "الله غفور رحيم وحسيت بعد تكفيري عن ذنبي بالإجهاض براحة ورأيت رؤية في المنام بإن ربنا غفرلي ذنبي".
https://youtu.be/cHFDHZDDVYU

ووجهت الفنانة عفاف شعيب، رسالة للمحجبات، قائله: "لازم الاهتمام بالملابس حتى لو كانت محجبة"، لافته: "لازم المحجبة تهتم بنفسها وبشكلها وبلبسها وأناقتها مش معنى أنها محجبة تبقى متبهدلة".

وأضافت الفنانة عفاف: "على المحجبة أن تكون منظمة في لبسها علشان ده مهم"، ولازم يكون اللبس منسق لأني اتعودت على كده".