"مش لاقيه الهدوم الألماني ".. أغرب تصريحات الفنانة عفاف شعيب

أطلت الفنانة المصرية عفاف شعيب على جمهورها في برنامج "كلام الناس" المذاع على قناة Mbc مصر، وصرحت بعدة أسرار لأول مرة، مما جعل وسائل التواصل الاجتماعي تتناول تصريحاتها وتتفاعل معها على نطاق واسع.

“مش لاقيه الهدوم الالماني”

روت الفنانة عفاف شعيب معاناتها مع إيقاف الاستيراد، قائلة "مش لاقيه الهدوم الألماني اللي متعودة عليها".

اظهرت شعيب استيائها من ايقاف الاستيراد وعدم قدرتها على الحصول على الملابس المناسبة للمحجبات خاصة ان المحلات الموجودة في مصر اغلبها لا يناسب المرأة المحجبة. 
وأوضحت شعيب ان الحجاب جميل وانيق ويمكن للمرأة المحجبة ان تكون أنيقة تحت اي ظرف.

"بتضايق أوي لما تجيلي واحدة صاحبتي وتفتح تلاجة بيتي وتبص فيها إيه"

قالت شعيب: "انا بزور اهلي واختي دايما لكن عمري ما تجرأت افتح تلاجة حد أو ابص فيها"، وعندما أزور أحد واحتاج ماء فأنني اطلب منهم ولا اجلبها بمفردي فالبيوت لها حُرمة ولا بد ان نحترمها.

وتابعت شعيب إنه على كل زائر يدخل البيت ان يبدأ باسم الله ويقول ما شاء الله على كل ما يرى.

"الست تطلب من زوجها ثمن الرضاعة"

استنكرت شعيب ما يتداوله الناس حول إلزام الزوجة بالرضاعة قائلة: "طب فين غريزة الأمومة إذا ماكنش البيبي يرضع من ثدي أمه هيحبها إزاي، لازم يبقى فيه حنان، بس بصراحة حاجات غريبة عليا".

وأضافت عفاف "الرجل له حقوق والست لها حقوق، انتي بتخدمي حياتك عشان تعيش هادية وسعيدة لو قلنا الكلام ده بيوت مصر هتتخرب عشان كده نسبة الطلاق زادت أو ي".

"واحدة عملتلي عمل علشان تاخد جوزي مني ودعيت عليها وبقت عاجزة"

حكت الفنانة عفاف شعيب عن محاولة إحدى صديقاتها لخطف زوجها رجل الأعمال طارق العريان منها، وقالت "واحدة عملتلي عمل علشان تاخد جوزي مني، ووقتها انفصلنا وحاول يرجع تاني لكن أنا رفضت".

وأكملت، "قسما بالله ما في حد جيه عليا وبقول يارب إلا وربنا بياخد لي حقي، واللي عملتلي العمل قولت يارب أنت وكيلي وحسيبي، العربية اتقلبت بيها وعايشة عاجزة لغاية دلوقتي".

"بعدد طوب الأرض كان ليا صحاب ودلوقتي لا"

قالت الفنانة عفاف شعيب، إنها لا تهتم بالشائعات التي تطلق عليها، قائلة: "لو حد عزيز عليا عرفت أنه اتكلم في ضهري، باخد موقف وبقطع علاقتي بيه".

وأردفت "المشكلة حاليا إما بيكونوا ستات مجتمعين بيسجلوا لبعض وهما قاعدين مع بعض، مستنكرة، ليه وصلنا لكده، لأن ده اعتداء على حرمة الغير".

وأضافت "صحابي محدودين جدا، وكان ليا صحاب بعدد طوب الأرض، لكن دلوقتي لا، لأن فيه حاجات كتيرة حصلت وكلام كتير".

الفنانة عفاف شعيب

أسمها عفاف علي أحمد شعيب، ولدت في 6 شارع ساحل الغلال ماسبيرو بالقاهرة.

درست في المعهد العالي للفنون المسرحية عام 1972 ولفتت الأنظار إليها في العديد من المسلسلات التي عملت بها فانطلقت بسرعة إلى السينما.

ارتدت الحجاب واعتزلت التمثيل في أوائل التسعينيات القرن العشرين لكن عادت مجددًا في عام 1998 واستمرت بالتمثيل في المسلسلات.

أفلامها 

مسافر بلا طريق
القضية المشهورة للمخرج حسن الإمام
المعتوه

مسلسلاتها

مرت الأيام
قيس ولبنى
اليتيم والحب
دعاء الكروان
الشهد والدموع