عمرو أديب: "هيقولوا عليا عايز يبيع النادي الأهلي"
أعرب الإعلامي عمرو أديب، عن سعادته بشأن تفكير الدولة في طرح جزء من أسهم شركة الوطنية التي تملك 200 محطة بنزين كأولى خطوات الدولة للتخارج.
وقال "أديب" خلال تقديم برنامجه "الحكاية" المذاع على فضائية "أون" مساء اليوم الاثنين إن اختيار الدولة لشركة الوطنية التابعة للقوات المسلحة هي بداية جيدة، معقبًا "هيقولوا الدولة تبدأ بالشركات الناجحة وهذا يعني أنها جادة في التخارج".
وأضاف "عايز أقول الأهلي لو نزل وطرح أسهم شركاته في البورصة كام واحد هيشتري، طبعًا هيقولوا عمرو أديب عايز يبع النادي الأهلي، لا النادي الأهلي موجود والجزيرة موجودة والخطيب موجود وحسين الشحات موجود".
وتابع "إنما في النهاية النادي عايز شوية فلوس يعمل استاد في مدينة نصر ومدينة 6 أكتوبر مش بقول اختراع دي وسيلة من وسائل التمويل الواضحة".
واستطرد "المستثمر دايما يبص على البلد اللي هيستثمر فيها بترحب بالمستثمرين ولا لا، إحنا لا نرحب بالمستثمرين كويس يا على المستوى الشعبي ننكد عليهم أو على المستوى الحكومي نعملهم بيروقراطية، أنا صديقي مستثمر عربي قالي أنا أكثر أرباح بعملها في مصر".
وتابع "مصر سوق أنت سوق أرجوكوا أنا متحمس وأرجو أنه ميقعدتش في إطار الدراسة مدة طويلة وأن الأشياء تبقى جميلة وحلوة والحياة تبقى جميلة بيتكلموا على إعادة هيكلة لتكون هذه الشركات جاهزة للبورصة قبل نهاية العام".
