سعيد الارتيست لـ مصطفى كامل: "عايز حقي من حسن شاكوش"

حل الفنان مصطفى كامل كضيف على برنامج "مسئوليتي"  وأدلى من خلال البرنامج بتصريحات هامة تخص حياته الفنية والشخصية، كما عبر عن وجهة نظرها في أشياء مختلفة، وشارك سعيد الارتيست بالحلقة من خلال مداخلة هاتفية وطالب حقه من حسن شاكوش فقال: "أنا لسة حقي مجاش من حسن شاكوش بعد إهانتي وبطلب من مصطفى كامل نقيب الموسيقيين الجديد يجيب حسن شاكوش ولشعبة الإيقاعيين، بيقولو إني بتكلم في الموضوع ده كتير بس انا بقول الحقيقة.

مصطفى كامل يتحدث عن هاني شاكر

تحدث مصطفى كامل عن هاني شاكر وقال: " ياريتني قابلتك قبل ما اقابل اي حد في الدنيا وانا عمري ما هغز ولا هلمز لهاني شاكر زي ما الناس بتقول، وهاني شاكر صديق عمري ونجاحنا مشترك وله طباع واهدى من التكتلات الموجوده ده كان بيقعد يقولي أهدى وهدي صوتك ايام ما كنت في النقابة". 

الخلاف بين سعيد الارتيست وحسن شاكوش

وفي سياق متصل، نشب الخلاف بين حسن شاكوش وعازفي الإيقاع عقب إساءته لهم في أحد حفلاته، مما أدى إلى اتخاذ إجراء ضده وهو وقفه عن الغناء من قبل النقابة. 

وتطور الأمر حتى تم رفع العقاب عنه مؤخرًا، وأعلن حسن ذلك عبر حسابه الرسمي حيث أنه نشر مقطع فيديو ووجه فيه الشكر لنقيب الموسيقيين هاني شاكر وجاء عنوان الفيديو: "شكرا النقيب هاني شاكر واعضاء مجلس الاداره والمحامي ايهاب السيد".

وقال خلال الفيديو: "بشكر الأستاذ هانى شاكر نقيب المهن الموسيقية وأعضاء مجلس النقابة وبشكر كل العازفين وياريت محدش يزعل منى

واختتم حديثه قائلًا: "كان سوء تفاهم وأنا طلعت واعتذرت لكم وبشكر جمهورى وإن شاء الله تشوفوا حاجات جديدة وكويسة الفترة الجاية".

آخر أعمال مصطفى كامل

يذكر أن آخر أعمال مصطفى كامل هي أغنية "زرعة خايبة" وهى من كلمات وألحان مصطفى كامل، وتوزيع وميكس ماستر كولبيكس.  

كلمات الأغنية

ياللي دايما تغلطو في غيبتي
اوعو بس تغركم طيبتي
كل عاله تعال واتمنظر
بكره جاي على حجري بطريقتي

ياللي ياما في ظهري بتلكو
وبترغو وتهرو وتعكو
واللي يسمع اسمي يتزرزر
واللي سيرتي الحلوة بتشكه

خلو سيرتي سايبه ناركم ولعه قايده
خلو القساوة والعداوة بنا زايده
أنا من النهارده لحد اخر يوم في عمري
مفيش ما بنا لا تعازي ولا معايده

خلو سيرتي سايبه ناركم ولعه قايده
خلو القساوة والعداوة بنا زايده
شاهد عليا ربنا وسلمت أمري
ما دام عملت الخير كتير ومجاش بفايده

انتو ناس ولا ليكم لازمه
في حياتي وجودكم كان أزمة
وانا دايما كنت منكم حريص

ناس فالصو لا ديور ولا جوتشي
وتمنكم يدوب تمن كوتشي
تايواني من اللي سعره رخيص

انتو ناس من الاساس
زرعه خايبه وعايزه فاس
اشيل جدورها وحلغي دورها
واختار حبايبي ذهب وماس

خلو سيرتي سايبه ناركم ولعه قايده
خلو القساوة والعداوة بنا زايده
أنا من النهارده لحد اخر يوم في عمري
مفيش خلاص لا تعازي ولا معايده

خلو سيرتي سايبه ناركم ولعه قايده
خلو القساوة والعداوة بنا زايده
شاهد عليا ربنا وسلمت أمري
مانا عملت الخير كتير ومجاش بفايده