شاهد.. السيسي يعتذر لعدد من أبطال حرب أكتوبر
وجه الرئيس عبد الفتاح السيسي، التحية لعدد من أبطال حرب أكتوبر 1973، وقدم لهم التحية العسكرية على هامش الندوة التثقيفية للقوات المسلحة "أكتوبر.. إرادة وطن" بمناسبة الذكرى ٤٩ لحرب أكتوبر المجيدة.
وقال الرئيس السيسي لأبطال أكتوبر: "لينا عظيم الشرف أننا نلتقي بيكم ونشوفكم، وكل الناس في مصر يشوفوا الرجال أو من تبقى من الرجال اللي قدموا لبلدنا الكرامة والعزة والنصر والشرف دون مقابل.. احترامنا وتقديرنا ليكم كلكم".
وأضاف: "أرجو أنكم تقبلوا اعتذارنا لو كنا ماخدناش بالنا منكم قبل كده، وكان مهم قوي أنكم تبقوا موجودين النهاردة علشان من خلالكم نقول للمصريين شوفوا تمن الكرامة بيتعمل إزاي، بيتعمل بالشعارات ولا بالدم والتضحيات؟.. لما اتعمل بالتضحيات فضل باقي لحد دلوقي ربنا يديكم الصحة ويجزيكم خير عن كل ما فعلتموه أنتم وكل هذا الجيل".
