بعد تصدرها للتريند.. أبرز تصريحات صفاء جلال في برنامج "كلام الناس"
تصدرت الفنانة صفاء جلال، مؤشر البحث "جوجل"، وذلك بعد تصريحاتها مع الاعلامية الإعلامية ياسمين عز في برنامج "كلام الناس" والمذاع عبر قناة "إم بي سي مصر".
زوج صفاء جلال السبب وراء عدم تقديمها دور راقصة في الأعمال الفنية
شاركت الفنانة صفاء جلال في مسلسل " إمرأة من زمن الحب "، وجسدت خلاله دور راقصة، ولكن اعترض زوجها على تكرار هذا الدور، قائلة: "بعد ما عملت دور راقصة في مسلسل إمرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".
صفاء جلال وتعاونها مع الزعيم
شاركت الفنانة صفاء جلال في أعمال درامية مع الزعيم عادل إمام، قائلة: "اشتغلت مع الزعيم عادل إمام في مسلسل صاحب السعادة، وكان جسمي رفيع".
وأضافت: "غبت شويه وبعدين جيت أعمل ضيفة شرف معاه في مسلسل عوالم خفية، وكان جسمي مليان، قال لي تخنتي ليه يا صفاء قلت له الاكتئاب، فقال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري"
العمر الحقيقي للفنانة صفاء جلال
كشفت الفنانة صفاء جلال، عن عمرها الحقيقي على الهواء، قائلة: "أنا داخلة على الـ49 سنة حاليًا"، لافتة: "أنا عشت كل مرحلة عمرية بحلوها مرها، مش بتكسف إني أقول عندي كام سنة، والناس بقيت ذكية أوي يعني مش هطلع أقولهم انا عندي 35 سنة وعمر ما السن شكل ليا مشكلة".
صفاء جلال تكشف عن حقيقة كبسولة المعدة
كشفت الفنانة صفاء جلال عن السر وراء وصولها إلى وزن مناسب، قائلة: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".
وأضافت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلًا نزلتهم ودلوقت بكمل دايت وبروح الجيم".
وأشارت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدًا وبحاول على قد ما بقدر أوصل لشكل لطيف والناس تتقبله".
ماذا قالت صفاء جلال عن الرجل الشرقي؟
في سياق آخر، تحدثت الفنانة صفاء جلال عن كيفية المعاملة مع الرجل الشرقي قائلة: "أنا إتجوزت وأنا 24 سنة، واخترت اتجوز راجل شرقي، وأمشي على هواه هو، وأمشي على حسب هو بيحب إيه، هو كمان بيحاول يعمل كل حاجة عشان يبسطنا.. لما بعمل شغل بعمله كويس جدا بس يكون ميأثرش على حياتي أو بيتي دي أهم حاجة عندي”.
وأضافت: “بس فيه رجالة وحشة كتير، أنا 90% من صحابي مطلقات، ستات عادية مش ممثلات ولا حاجة؛ لأنهم معرفوش يتوافقوا مع بعض”.
