خاص.. صابرين تكشف لـ "الفجر الفني" رأيها في مهرجان "القاهرة للدراما".. وترد على منتقدي عفويتها مع الفخراني

الفجر الفني

صابرين
صابرين

كشفت الفنانة صابرين عن رأيها في تجربة مهرجان القاهرة للدراما حيث أعربت عن رأيها قائلة: "شايفة تجربة مهرجان الدراما أن ناس كتيرة زعلت أنها محضرتش ومتكرمتش.. وزعلت إنه ا مكانتش موجودة ف ده أكبر دليل علي نجاح المهرجان الحمد لله، كان في حب قوي جدًا وبانت طاقة الحب دي للمشاهدين واللي كانوا موجدين والضيوف.

 

 وأضافت في تصريح خاص لـ “الفجر الفني”: يكفي أن رئيس المهرجان هو دكتور يحيي الفخراني والقائمين على العمل إنعام محمد علي لجنة التحكيم وكل اللي فيه محبين جدًا جدًا للمهنة ودكتور اشرف ودكتور أشرف زكي كان هو صاحب الفكرة الاساسية وPOD  المساندة لينا والمتحدة ف كانت حقيقي حاجة محترمة أوي".

 

 

صابرين


وردت صابرين من خلال "الفجر الفني" علي منتقدي تصرفه العفوي مع دكتور يحيي الفخراني حيث قالت صابرين: " دكتور يحيي الفخراني من أصدقائي من أيام الفوازير يعني من زمان جدًا، إحنا اصدقاء وبنحب نهزر مع بعض حتي الكيميا دي كانت باينة أوي في مسلسل "شيخ العرب همام".

يحيي الفخراني 

و أضافت: "أنا اشتغلت صغيرة أوي أوي ف ممكن يكونوا ناس أكبر مني في السن لكن إحنا صحاب جدًا ف لغة الهزار اللي بينا علطول موجودة وهما بيطلعوا أي حاجة".

صابرين 

وتابعت قائلة: "أول حد كلمني بعد ما خلصت المهرجان كان لميس جابر صديقة عمري وعشرة عمري وبعدين دكتور يحيي الفخراني ولميس يمكن أكثر ناس دخلت بيتي وأنا كنت قبل المهرجان باسبوعين عندهم وقاعدة معاهم في بيتهم يعني إحنا اصدقاء مهنة وبره المهنة كمان في دكتور يحيي ده من اكثر الناس اللي بحبهم في حياتي واكثر الناس اللي بحترمهم في المهنة أنا حقيقي بعزه جدًا وبينا إحترام متبادل وصداقة عمر من وقت الفوازير".

يحيي الفخراني