حسام حبيب يكشف تفاصيل علاقته بشيرين منذ ظهورها حليقة الرأس وحتى الإدمان

أجرى الإعلامي عمرو أديب، ببرنامجه “الحكاية” المذاع عبر فضائية “إم بي سي مصر”، مساء الجمعة، مداخلة هاتفية مع المطرب حسام حبيب، ليكشف التفاصيل الحقيقية والكاملة لأزمته مع شيرين عبدالوهاب.

تفاصيل علاقته مع شيرين عبدالوهاب

وقال حسام حبيب، إنه مندهش من الهجوم عليه والذي بدأ من شهر نوفمبر الماضي، مضيفا: "مش بتكلم عشان أبرىء نفسي، ولكن عايز الناس تسمع وجهة النظر ولهم حكمهم".

وأشار أديب، إلى أن بداية وجوده في حياة شيرين كانت من خلال الصداقة، وكانت تستغيث به ليخرجها من المحيط الذي تتواجد فيه، معلقة: "كانت بتقول أنا بنهار وبتنهش.. وبصفتها صديقة غالية كنت بحاول أساعدها.. وجودي كان غير محبب لدي المحيطين بها لأن الحنفية اتقفلت".

وأضاف: "مينفعش ست بتشتغل كل ده وميكنش عندها أرقام تثبت ده.. جابت شخص وسألته أنا عندي كام في البنك، والرد بالنسبالي كان صادم، أنا لما اتجوزتها كان عندي فلوس أكتر، وده يقول أن الست دي كانت منهوبة، وكنت العدو الأول للناس اللي بيشتغلوا معاها.. وبعد فترة أصبحت العدو للناس اللي عايشة من خيرها، كانوا عايزين ينتهكوها".

هل قام نقيب الموسيقيين بدوره تجاه شيرين بعد أزمتها؟ طارق الشناوي يُوضح

حسام حبيب يفجر كارثة: شيرين حاولت الانتحار مرة في المستشفى

وتابع: "فضلوا يشتغلوا 4 سنين عشان أمشي، وأنا وشيرين نتحمل جزء من مسئولية اللي حصل، حتى وصلنا إلى الطلاق وموضوع الشعر"، مؤكدا أنه لم يكن عنيف مع امرأة في حياته، معلقا: "أنا راجل متعلم ومتربي وأمي دارسة سيكولوجي، مينفعش أهاجم ست عاشرتها ولو ليلة مش 4 سنوات".

ونفى ما يتردد بشأن أنه اعتدى عليها بالضرب، "قائلا: "محصلش، أنا عمري ما أخدت من شيرين جنيه لا من أدامها ولا من وراها، ولما كانت تقولي خد فلوس ده حقك كنت برفض، كانت علاقة جميلة وليست سامة"، كاشفا أن سبب الطلاق أنه غير راضي عن أسلوب حياتها والمحيطين بها.

كشف الفنان حسام حبيب، سبب قص الفنانة شيرين عبدالوهاب شعرها، قائلا: "احنا اتخانقنا واطلقنا في اليوم ده ولما قصت شعرها وخرجت ليا انهارت ووقعت على ركبي وقولتلها ليه كده.. هى عملت كده عشان تجبر نفسها أن العلاقة انتهت وهى منتهتش".

وأشار حبيب إلى أنهم انفصلوا بسبب عدم موافقته على نظام حياتها، لافتا إلى أنهم تصالحوا معا بعد فترة ورجعنا كأزواج دون معرفة أحد غير الأهل فقط، مضيفا: "بدأنا نخرج.. الطلاق حصل على ورق، مجرد ما شيرين قالت طلقني طلقتها، إزاي هكون مستفيد ثم انفصلوا مرة أخرى".

ونفى ما تردد أنه كان يقول لشيرين "إنتي تخينة"، قائلا: "عمري ما قولتلها كده.. أنا سكت وده ضرها"، مضيفا: "أنا مكنتش في حياة شيرين إزاي توصل للمرحلة التالتة من الإدمان بسببي، وإشمعنا دخلت المستشفى بعد بيان الصلح"، محملا أسرتها مسئولية وصولها لهذه المرحلة

حسام حبيب يكشف سبب مهاجمة شيرين له على البرامج التليفزيونية

حسام حبيب يوجه اعتذارا إلى أسرته: "اتشتموا بأقذر الشتائم"

أكد الفنان حسام حبيب، أنه لم يهاجم شيرين عبدالوهاب، قائلا: "أنا بحبها وليها معزة خاصة"، لافتا إلى أن شيرين أخبرت والدتها أنهم تصالحوا، معلقا: "قالت لمامتها أنا مرتاحة يا ماما، وقالتلي إنت اتظلمت ومن الأخلاق أني أردلك كرامتك أمام الناس".

 وأشار حبيب: "لو شيرين شايفة أن علاقتها معايا توكسيك كانت قفلت صفحة علاقتنا، والعربية رجعت قبل البيان بكتير، وحد من صحابها أخدها وقالها أنا هاخدها وقالها هديلك بدالها شغل.. ويومها اتصلت بيا وقالتلي أنا عرفت اللي إنت كنت بتعمله وهقف في ضهرك".

وعن تسببه في اإدمان شيرين للمخدرات، قال: "لو أنا السبب كان زماني زيها، وأنا أهلي أطباء مش هيبسبوني كده.. كلام غير منطقي، ده كان سبب خلافنا الرئيسي.. شيرين عندها لسان وهتقول الحقيقة المرادي، اللي بيدمر شيرين هو اللي عايز يحجر عليها، وقالي أنا عندي توكيل رسمي منها وهحجر عليها، ويسأل محاميها حسام لطفي، وبلغت شيرين عشان تأمن بناتها، وعملنا حسابات لبناتها برة مصر.. نأب الناس دي هيطلع شونة".

تفاصيل ليلة إدخال شيرين المصحة النفسية

كشف حسام حبيب، تفاصيل الليلة التي دخلت فيها شيرين عبدالوهاب المصحة النفسية، قائلا: "كان داخل عليها فاتح مطواة، وأخدوها حافية، واضربت واتسحلت وشعرها اتقطع، وأقذر الشتائم.. وقعدت تصرخ والحقني يا حسام". 

وأشار حبيب: "حاولت أتكلم معاه، وأتفاهم، وقولتله إحنا مش هنرجع لبعض اطمن، وشيرين قالت لأخوها أنا شيرين عبدالوهاب أختك الكبيرة تعمل فيا كده، أنا اللي عالجتك قبل كده... أنا اضربت ووقعت على الأرض، وكتفوني".

وقال،: "أخو شيرين كان جاي ومعاه أصحابه، لأنها ندهت على واحد اسمه بكر.. وأخدوا تليفوناتنا، ده لو شرطة دخلت علينا مش هيعملوا كده.. وكان في الشقة أنا وشيرين والبنت اللي بتشتغل معاها، أنا بقا عندي عقدة من المنظر اللي حصل معاها".

سبب دمار علاقته مع شيرين

قال حسام حبيب، إن علاقتة مع شيرين عبدالوهاب علاقة سليمة، ولكن تدخل الناس هو ما أفسد العلاقة، كاشفا أن شقيق شيرين دخل عليهما شقة التجمع الخامس ليلة إدخالها المستشفى بمفتاح، معلقا: "شيرين اتعرفت على واحدة صاحبتها من أسبوعين وادتها مفتاح الشقة.. وهى اللي إدت المفتاح لأخوها". 

وأشار حبيب "بعد ما أخدوا شيرين روحت لابن خالتي لإني كنت مضروب ولبسي مقطع وفضلت أخد مهدئات 4 أيام.. وبعدها بكام يوم سارة الطباخ بعتتلي تسأل  عن شيرين ولما بلغتها اتصلت بالمحامي بتاع شيرين وعرفناه اللي حصل.. وحرر محضر".

وكشف أن شيرين عبدالوهاب حاولت الانتحار مرة واحدة داخل المستشفى، وذلك وفقا لأقوال شخص داخل المستشفى، مضيفا: "فضلت 3 أيام رافضة الأكل، وجسمها فيه علامات ضرب وشعرها مقطع". 

علاقتي مع بناتها جيدة

وجه المطرب حسام حبيب، اعتذارا لأسرته بسبب ما تعرضوا له من الهجوم والشتائم الفترة الماضية، قائلا: "بعتذر ليكم.. بيجلنا شتائم على الموبايلات، وأول مرة يعرفوا أني اضربت مع شيرين".

وأشار حبيب: "أنا راجل طالع من بيت أمي وعندي 37 سنة، وكنت أول مرة أتجوز، وطلعت على بيت شيرين عشان بناتها كانوا في مدرسة داخل الكمباوند، ومتقدرش تسبهم، وشيرين أبسط من البساطة"، مؤكدا أنه لآخر لحظة شيرين كانت هى من تتحكم في حساباتها، مضيفا: "قولتلها اعملي كل حاجة لبناتك".

وأضاف، "علاقتي مع بناتها كانت زي الفل، لحد ما شوهوني وقالولهم كان عايز يموت مامي ويموتكم"، نافيا ما تردد بأنه هدد شيرين بالمسدس، قائلا: "عندي مسدس مرخص ولما كنت بدخل كانت بتقولي حطه في الخزنة، ويوم الخناقة وأنا ماشي أخدت المسدس قالوا بقا بيهددها.. شيرين قد كده مش محتاجة مسدس، قلم يكومها".

سبب مهاجمة شيرين عبدالوهاب له

وقال المطرب حسام حبيب، إن كل ما قالته شيرين عن علاقتهما مجرد "كيد"، وعدم قدرتها على نسيانه والخروج من حبها سبب ما قالته، مضيفا: "قالتلي صعب نرجع لبعض بعد اللي حصل قولتلها أه.. فعيطت".

وتابع حبيب: "أقسم بالله لو كنت اتواربت عن شيرين كانت هتتاكل.. عشان كده مشتغلتش، في شخص جالها قالها عندي مشاكل اديته شيك بـ 100 ألف دولار، كانت بتمضي للناس على الأبيض، شيرين عفوية".

وأضاف، "الموضوع كبر قوي، ومخي مشلول، ومش بدور على أني أرضي الناس بدور على أني أرضي رب الناس، أهلي صعبانين عليا هما أنضف كتير من ده، بقيت أتكسف أروح تجمعات العائلة".

رسالة إلى شيرين عبدالوهاب

وجه الفنان حسام حبيب، إلى المطربة شيرين عبدالوهاب، "لو متعلمتيش الدرس المرادي يبقا إنتي اللي عايزة كده.. إنتي فين وهتعملي ايه، ولازم الجو والمحيطين بيكي يتنسف".

ووجه حبيب، رسالة إلى شقيق شيرين، قائلا: "اتقي ربنا فيا أنا عمري ما آذيتك، وهاخد ضدك إجراء قانوني، ومش هتنازل لأنه خاض في عرضي... حسبي الله ونعم الوكيل، انا واثق في نفسي وعيني مش مكسورة".

وأضاف: "يا ناس فكروا بالعقل والمنطق.. أنا وشيرين بنتكلم بقالنا أسبوع بعد بيان التصالح، معقولة لحقت توصل للمرحلة دي، أنا كنت بطلع شيرين على المسرح بنفسي، أنا 5 سنين معملتش أغنية واحدة، لو كنت استغليت زواجي منها كنت عملت كل شهر أغنية"، متابعا: "اوضة النوم عندنا كانت محطة مصر".

ليس لي علاقة بوالدي

وعن أسرته، الفنان حسام حبيب، إن أسرته مكونه من والدته وشقيقته، و5 خالات، وليس له علاقة بوالده، مضيفا: "انفصل عن والدتي وعمري 14 عاما". 

وأشار حبيب، إلى إنه طلب من والده أكثر من مرة عدم التدخل في حياته، أو إبداء آرائه فيها، ليعقب الإعلامي عمرو أديب، قائلا: "أبوك بيدور عليك بقاله 5 ساعات.. ابقا شوفه"، ليرد حبيب، "خليه يدور ومش هيلاقيني، كان مُصر على التدخل في حياتنا"، متمنيا من الله أن ينجي شيرين من أزمتها وتكشف كافة تفاصيل ما حدث بنفسها بعد شفائها.

مناشدة إلى عمرو أديب

ناشد الفنان حسام حبيب، الإعلامي عمرو أديب، أن يقف بجانب شيرين عبدالوهاب بعد خروجها من المستشفى، قائلا: "اقف جمب شيرين لما تخرج، واعطيها دروس في الحياة".

وأشار حبيب، إلى أنه ظلم صديقتها ياسمين رضا شقيقة زينة، قائلا: "ظلمت ياسمين طلعت بتحب شيرين وكانت بتعيط عليها وبتدعي ليها من قلبها.. مشفتش حد من اللي حواليها كده".

ومن ناحيته، قال الإعلامي عمرو أديب، "ربنا يخرجها بالسلامة.. شيرين معرفة قديمة"، ليرد حبيب: "وهى بتحبك إنت ومدام لميس".