"انتي بتدلعي الراجل زيادة عن اللزوم!".. أقوى رد من سلوى خطاب على تصريحات ياسمين عز

تصدرت الفنانة سلوى خطاب مؤشرات تريند "جوجل" بعد تصريحاتها الجريئة عن العلاقات الزوجية، وذلك خلال استضافتها في برنامج "كلام الناس"، الذي تقدمه الإعلامية ياسمين عز المذاع على قناة "إم بي سي مصر".

سلوى خطاب: الجواز بالذات كل حاجة قائمة بذاتها

وصرحت سلوى خطاب بآراء متناقضة مع توجه المذيعة ياسمين عز (المدافعة عن الرجال)، وهو ما آثار حالة من الجدل بين كلتاهما، خلال الحلقة، قائلة لياسمين: "واحدة صاحبتي كانت متعصبة زيك بس آراءها مناصرة للمرأة ولما اتجوزت اتجرجرت من شعرها في الصالون، الجواز بالذات كل حاجة قائمة بذاتها، وكل حالة تختلف عن التانية، والجواز شركة والطرفين لابد انهم يبذلوا مجهود برضا".

سلوى خطاب لياسمين عز: آرائك اللى أنا مش فاهماها دي هتوديكي في داهية

وتابعت سلوى خطاب: "لما اتجوزت كنت حريصة على إني أبقى زوجة، لأن زوجي ملوش دعوة أنا بشتغل إيه، مفروض يلاقي واحدة تحضرله الأكل وتكون زوجة، انتى بتدلعي الراجل زيادة عن اللزوم، الحاجات لما تبقى معتدلة بتكون حلوة لكن كل اللى يزيد على حدة يكون مش حلو".

ووجهت حديثها لياسمين عز قائلة: "آرائك اللى أنا مش فاهماها دي هتوديكي في داهية، خليكي شوية مع الستات عشان تبقي حلوة!".

سلوى خطاب: عمتي كانت هتطلق عشان قالت لجوزها اقلع الجزمة

من جانبها قالت ياسمين عز: "أنا ضد العنف ولكن أنا مع أن كل طرف يمشي الأمور دون تعقيد أو مشاكل"، لترد سلوى خطاب: "عمتي كانت هتطلق عشان قالت لجوزها اقلع الجزمة وهي بتمسح، وأنا عارفة ان الكلام ده ضد ثوابتك".

وأضافت معبرة عن رأيها في الزواج: "دي تهيؤهاتي وفكرتي عن الجواز، أنا منجحتش قوي أنا تطلقت عادي يعني، أنا ضد المواعظ والنصايح، لإن الجواز بالذات كل حالة قائمة بذاتها، لازم نعمل دراسة حالة 40 مليون جواز مثلا في مصر منقدرش نعممها، أو نقول أصل لازم يحصل كذا، مش منقدرش نعممها، أو نقول أصل لازم يحصل كذا، مش هيحصل كذا ده، هي شركة، كلنا بنتعب في حياتنا والحياة محتاجة مجهود، الطرفين لازم يبذلوا مجهود برضا، لأن ما دام بيبذل مجهود بيكون عايز ينجح الحياة دي، لإن فيها رفقة، ممكن متبقاش باينة في الأول، لكن بعد كده لما الناس بتصبر، ولادهم، وهم كمان عايشين مع بعض، لو كل واحد فيهم فكر إن كل ده للمستقبل، افتكر إن في مشاكل كتير هتتحل، متهيألي".

اخر اعمال سلوي الخطاب

ومن ناحية أخري شاركت الفنانة سلوي الخطاب مؤخرا في مسلسل "منورة بأهلها" الذي يدور حول اكتشاف جثة لشاب مجهول الهوية مقتولا فى إحدى الشقق، ليبدأ وكيل النائب العام "آدم" التحقيق فى ملابسات الجريمة التى سرعان ما تكشف عن أحداث مريبة وغامضة يمتزج فيها الواقع بالخيال.

أبطال مسلسل منورة بأهلها 

مسلسل "منورة بأهلها" مكون من عدة حكايات، وتدور أحداثه عام 2008 فى 10 حلقات، ليلى علوي، غادة عادل، باسم سمرة، أحمد السعدني، محمد حاتم، ناهد السباعي، سلوى خطاب، عباس أبو الحسن، عمر رزيق، وبلال التونسي وغيرهم