تامر حسني يوجه رسالة لهنا الزاهد بعد تكريمها
وجه الفنان تامر حسني عبر صفحته الشخصية على مواقع التواصل الاجتماعي فيس بوك وموقع الفيديوهات والصور انستجرام فيديو بتكريم الفنانة هنا الزاهد علي دورها في فيلم بحبك من إخراج وتأليف تامر حسني.
رسالة تامر حسني لهنا الزاهد
و قد جاءت الرسالة بالنص " بكتب بوست عن هنا والله والله مش عشان بتهديلي الجايزه لا … بكتب كلمه من قلبي عشان هي بنت قلبها جميل ومقدره المجهود اللي عملته عشانها وعشان كل الممثليين نوع القلب دا مبقاش موجود أو ي، ياما ناس بتساعد ناس بس نادرين أوي اللي قدروا المجهود دا وعندهم قلب جميل يخليهم مينسوش تعب الناس اللي كانوا جانبهم واخلصولهم من كل قلوبهم،، كنت فاقد الامل في النوع دا من القلوب يمكن عشان قدمت ناس كتير وللأسف معظمهم قلوبهم أتغيرت بعد ما نجحوا …. بس للأمانه هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي الفيلم اللي حقق اعلى ايراد دولي في تاريخ مصر والعرب وتجاوز ال ٦٠٠ مليون في ظاهره اولى من نوعها ومش بس ايرادات لا دا حقق اعلى عدد زوار سينما في تاريخ السينما وبتتكرم عنه دلوقتي بجايزه مبياخدهاش الا المتميز المبدع افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانه بيكي وانا بجد فخور بيكي وبقلبك الجميل المحترم الأصيل 🤍شكرًا على الجايزه مستنيها في شركتي مليش دعوه
مليون مبروووووك يا اجمل هناااااااااا"
فيلم بحبك
عرض فيلم بحبك في ٧ يوليو الماضي، وتدور أحداث الفيلم بين رجل يخوض قصتي حب بين فتاتين، ويتخبط في حياته، ويظهر مدي الإختلاف في التعبير عن الحب بين الرجل والمرأة.
يشارك في بطولة الفيلم" تامر حسني" هنا الزاهد" حمدي الميرغني" مدحت تيخا " عمرو صحصاح" وهو من إخراج وتأليف" تامر حسني" ومخرج منفذ" عمر جبر"
