تامر حسني يروج لحفله القادم في عمان 11 نوفمبر
روج الفنان ومطرب الجيل تامر حسني عن حفله القادم في عمان في يوم 11 من أكتوبر وذلك عبر حسابه الشخصي بموقع تبادل الصور والفيديوهات انستجرام.
تامر حسني: "سأتولى المسرح في Dunes Beach club"
روج الفنان تامر حسني عن حفله بنشر البوستر الدعائي الرسمي والخاص بالحفل وعلق عليه قائلا: "إلى جميع المعجبين بي في عمان، يسعدني أن أعلن أنني سوف أتولى المسرح في Dunes Beach club بواسطة جبل سيفا في 11 نوڤمبر القادم لحفل موسيقي حالم بواسطة ڤينتشر لايڤ ستايل ولا يمكنني الانتظار لرؤيتكم جميعا! التذاكر للخروج الآن من خلال www.tkts.events أو الواتساب" وتفاعل عدد كبير من جمهوره ومتابعيه عبر انستجرام وعبروا بشوق عن حماس انتظارهم الحفل القادم وخاصة جمهور عمان.
تامر حسني لـ هنا الزاهد عقب تكريمها في مهرجان الفضائيات العربية
شارك الفنان والمطرب تامر حسني جمهوره ومتابعيه بفيديو تكريم الفنانة هنا الزاهد في مهرجان الفضائيات العربية وعلق عليه قائلا: "بكتب بوست عن هنا والله والله مش عشان بتهديلي الجايزة، لا … بكتب كلمه من قلبي عشان هي بنت قلبها جميل ومقدره المجهود اللي عملته عشانها وعشان كل الممثليين نوع القلب دا مبقاش موجود أو ي، ياما ناس بتساعد ناس، بس نادرين أو ي اللي قدروا المجهود دا وعندهم قلب جميل يخليهم مينسوش تعب الناس اللي كانوا جانبهم واخلصولهم من كل قلوبهم، كنت فاقد الامل في النوع دا من القلوب يمكن عشان قدمت ناس كتير وللاسف معظمهم قلوبهم اتغيرت بعد ما نجحوا".
تامر حسني يشيد بموهبة هنا الزاهد
وأضاف الفنان تامر حسني قائلا: "بس للأمانه هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي الفيلم اللي حقق أعلى ايراد دولي في تاريخ مصر والعرب وتجاوز الـ ٦٠٠ مليون في ظاهره أولى من نوعها ومش بس إيرادات لا دا حقق أعلى عدد زوار سينما في تاريخ السينما وبتتكرم عنه دلوقتي بجايزه مبياخدهاش إلا المتميز المبدع".
تامر حسني لـ هنا الزاهد: "افرحي بنجاحك"
واختتم الفنان تامر حسني رسالته إلى هنا قائلا: "افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانه بيكي وأنا بجد فخور بيكي وبقلبك الجميل المحترم الأصيل، شكرًا على الجايزه مستنيها في شركتي مليش دعوة، مليون مبروك يا أجمل هنا".
تامر حسني وأحدث ما طرحه الفترة الأخيرة من أغاني
طرح الفنان تامر حسني مؤخرا أغنيته الجديدة "حياتنا" على طريقة الفيديو كليب ونالت ولاقت تفاعلا كبيرا من جمهوره ومتابعيه ومستمعي أغانيه بالإضافة إلى نجاح الأغنية وتجاوزها حاجز الـ 5.2 عبر موقع الفيديوهات الشهير يوتيوب على القناة الرسمية للفنان تامر حسني، والأغنية من كلمات الشاعر أحمد حسن راؤول، وألحان إسلام زكي.
كلمات أغنية "حياتنا"
في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص
حياتنا عباره عن أشخاص
ما بين غاليين وحبه رخاص
و ناس عايشه بتاخد وخلاص
ما بين الصح والمفروض
بنتعود على المرفوض
في كام واحد في تعبك غاب
و كام واحد فضل موجود
في حلم بيختفي ويمشي
و وقت بيتسرق ببلاش
في واحد عاش ومافهمش
و واحد عمره لحظه ما عاش
بنجري في دايره مقفوله
و أهي قلوبنا إتهرت تعليم
و مين ضامن يعيش توهه
و يخرج منها قلبه سليم
حياتنا عباره عن أشخاص
ما بين غاليين وحبه رخاص
و ناس عايشه بتاخد وخلاص
ما بين الصح والمفروض
بنتعود على المرفوض
في كام واحد في تعبك غاب
و كام واحد فضل موجود
في حب يعجزك بدري
حب يموتك جواك
و إيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب إبليس
في حد بتشتريه غالي
و هو قصاد مرايته رخيص
و هو قصاد مرايته رخيص
حياتنا عباره عن أشخاص
ما بين غاليين وحبه رخاص
في ناس بتزود الواحد
و ناس عايشه بتاخد وخلاص
ما بين الصح والمفروض
بنتعود على المرفوض
في كام واحد في تعبك غاب
و كام واحد فضل موجود
