السيسي يلوم المصريين: "بنحط تراب على بلدنا من غير ما نقصد" (فيديو)

قال الرئيس عبد الفتاح السيسي، إن الدولة المصرية تحتاج إلى 250 مليار جنيه في السنة من أجل تحقيق تعليم جيد في المرحلة الأساسية.

وأضاف "السيسي" خلال كلمته في ختام المؤتمر الاقتصادي اليوم الثلاثاء: "أنا قولت محتاجين ايه لتطوير الفصول يصل إلى 10 آلاف دولار في السنة وأنا حولتهم لجنيه أديتهم 10 آلاف طيب هي موازنة الدولة تقدر تدي هذا المبلغ".

وتابع "إحنا محتاجين 60 ألف فصل لمجابهة الزيادة السكانية، لو حسبت بنصف مليون هيكلف 30 مليار ولو حسبت بمليون يبقى بـ60  مليار ده من غير تشغيل فيه مدرس وأطقم موجودة وفيه كهرباء ومياه".

واستطرد "أنا عندي 56 أو 60 ألف مدرسة محتاج قبل كل عام دراسي مليون جنيه لكل مدرسة لرفع كفاءتها وتحسين موقفها عايز 60 مليار مش موجود".

وأردف "أنت بتتكلم بلغة تانية أنتوا مش عارفين هو الكلام ده يزعل انتوا مش عارفين يعني ايه دولة وبتهدوا بلدكم، الناس الفقيرة لما حد يجي يزورهم يقعدوا يوضبوا في البيت علشان الناس تشوفه كويس يا ترى احنا بنعمل كده".

واستكمل حديثه "الفقير معذور، طيب الغني أنت مبسوط وأنت بتحط تراب من غير ما تقصد، هل أنا بلوم حد لا دي ملامة لكل المصريين".