بعد فوز الأهلي بالسوبر.. عمرو أديب: "ليلة زرقاء على دماغنا"
عقب الإعلامي عمرو أديب، على فوز النادي الأهلي ببطولة كأس "السوبر المصري"، متوجها بالتحية إلى النادي الأهلي فريق وجمهور، مضيفا: "دي لياقة النادي الأهلي وخطة النادي الأهلي، كان عنده نفس وإصرار واللاعيبة كانت بتلعب بشكل انتحاري.. مش موضوع روح الفانلة".
النادي الأهلي كانوا يلعبون بروح انتحارية
وقال أديب، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء الجمعة، "قدري أن الحاجة تيجي في وشي أنا"، لافتا إلى أن الزمالك كان يشعر بالثقة بشكل زائد عن اللزوم، ومن الوارد أن المدرب لم يؤهلهم بشكل جيد، مضيفا: "فاكرين لما يلعبوا بالفانلة الزرقاء هنكسب.. اهى بقت ليلة زرقاء على دماغنا".
وأشار إلى أن الزمالك كانوا يلعبون بالشوكة والسكينة، مضيفا: "اللي تعب النهاردة هو الأهلي، واللاعيبة كلها بتلعب في مراكزها.. نص لاعبي الزمالك كانوا بيلعبوا في أماكن غلط، كله النهاردة كان شمال وتعبان ومش قادر، كانوا فاكرين أنهم رايحين يجيبوا الكأس على ميت عقبة".
وأضاف، "الأهلي النهاردة كان نار مش حظه هو اللي نار.. الزمالك اتغلب حقا وصدقا، الأهلي كان أحسن، ولو الزمالك فضل مكمل كده ينسي، الأهلي كسر نحسه النهارده، الأهلي لما بيتفتح معاه الحظ قول يارحمن يا رحيم".
وتابع، “ماتش وعدى.. أنا مبعتبرش السوبر مهم، الأهم هو الدوري والكاس”، معربا عن حبه وتقديره لدولة الإمارات، قائلا: “عملوا احتفال من ألف ليلة وليلة”.
