بعد إلقاءه المايك.. مروان بابلو يعتذر للفرقة الموسيقية

علق الفنان مروان بابلو على الواقعة التي قام بها خلال إيحائه حفلًا باستاد الهوكي الدولي، عندما ركل سماعات الحفل “الدي جي” كما قام بإلقاء “المايك” على الأرض ونزل من أعلي خشبة المسرح، بسبب عدم انماجه مع الفرقة الموسيقية، وذلك عبر خاصية “ستوري” عبر حسابه الشخصي بموقع تبادل الصور والفيديوهات “ إنستغرام ”.

 وقال مروان بابلو:"حابب أوضح أن اللي حصل امبارح، انا اتحمل مسئوليته كاملة".

وأضاف: “ليس الفرقة الموسيقية صلة بما حدث، وأنا متأسف جدًا لأصدقائي الموسيقيين وفريق العمل، وللجمهور كله، وبشكركم على تواجدكم”.

آخر أعمال مروان بابلو 

شارك الرابر مروان بابلو في حفل غنائي، أمس، باستاد الهوكي الدولي بمشاركة عدد من مغنيي الراب، وظهر على خشبة المسرح يستعد لإحياء حفله وسط حشد كبير من الجمهور بمشاركة عدد من العازفين، بعد قرار نقيب الموسيقيين مصطفي كامل، بعدم ظهور أي مطرب على خشبة المسرح دون فرقة موسيقية.

يذكر أن كشف مغني الراب مروان بابلو، تحضيراته لألبومه الجديد المكون من 11 تراك.

ونشر بابلو عددا من تراكات الألبوم، وهم 10، إضافة إلى تراك الحلال التي أصدرها  الاسابيع الماضيه وذلك من خلال حسابه  بتطبيق انستجرام، مشوقا جمهوره لاقتراب طرح الألبوم.

تواصل أغنية “تارنتينو” لـ كايروكيومروان بابلو تصدر تريند "اليوتيوب”، وحققت الأغنية مليون و٣٠٠ ألف مشاهدة احتلت التريند رقم 1.

فريق عمل أغنية تارنتينو

“تارنتينو” كلمات: امير عيد، مروان بابلو، ‎ألحان وتوزيع: كايروكي، ‎إنتاج موسيقي / ميكساچ: شريف مصطفى، مساعد انتاج موسيقي: احمد متري، ‎ماسترينج: راندي ميريل -  Sterling Sound.

كلمات أغنية تارنتينو

ماليش أنا في الكلام الإستفزازي
هدخل فيكوا براسي زي الكاميكازي
بكتب التاريخ على كيفي وبإحساسي
زي كوينتن تارانتينو هعلِّم على كل نازي
بكرة أنا هموت لكن هفضل موجود
بعد الصمت والسكوت إسمعوا صدى الصوت
أجيال جاية من بعدي تستلم مني وتفوت
هيبان في الآخر مين الراكب والمركوب
في ناس زي الدود مكانهم تحت الأرض، أنا لسه فوق
إستنوا لما أموت
كلوا فيا ودوقوا طعم الصمود
عمري هيفوت
وكلامي هيفضل مكتوب
أنا مش ضلمة أنا ضيّ
أنا مش صوت أنا حيّ
عزيز النفس مفيش نقص
والدماغ فيها depth
بص وراك بقلِّبلَك في النور بديك كلاكس
هَحُط عليك لو إنت راكب فيراري وأنا راكب تاكس
عمر الفلوس ما تعمل رجال بالعكس
ماليش أنا في الكلام الإستفزازي
هدخل فيكوا براسي زي الكاميكازي
بكتب التاريخ على كيفي وبإحساسي
زي كوينتن تارانتينو هعلِّم على كل نازي
في السما عالي
صعب تكون مكاني
مجتش بالساهل
مفيش حاجة مجاني
محتاج افكركوا، العين عالحاجب ماتعلاشي
حابب تتحداني، رصاصة في راسك متغلاشي
قطعت الشك بالسيف
معرفتش أبقى بوشين
في الغلط عمري ما كابرت
مع الغبي عمري ما جادلت
كنت على وضعي ومازلت
خسارة فيكوا التوبيخ
ماليش في شغل التلقيح
كراستي قاعدة صواريخ
إنتوا إعملوا في أغاني، سيبوني أنا أعمل في تاريخ
مفيش مقارنة بينَّا، أشُقَّك لو جي في طريقي
هيجي يوم ونموتوا فيه وهيبان مين كان حقيقي
قصدي فلصو بيدوب عمرك ما هتشوفوا في إيدي
قصدي نسر فسماكوا والعظمة بتجري في وريدي
ماليش أنا في الكلام الإستفزازي
هدخل فيكوا براسي زي الكاميكازي
بكتب التاريخ على كيفي وبإحساسي
زي كوينتن تارانتينو هعلِّم على كل نازي
مسير الفلوس تروح ويروحوا كتير معاها
مسير النفوس تبان ويبان اللي جواها
مسير الشمس تطلع ونجمك يطفي
نجوم الأمس راحوا وكله بيختفي
مسير الفالصو يصدي ولو لمَّعه الزمن
زمن جديد هيجي ومالكش فيه تمن
مسير المجد يغلب الزمن الكداب
عقارب الساعة بتلدع وسمها فتاك